Máciya 26:26 - Jola-Kasa Nan kulakomuu hutiñahu, Yéesu li aŋa’ húmbuulu. Nan ásooniyen homuu aban, li amuncul ho asen kúgoomaku koola, ban li aaniil: — Jiŋa’ jitokoñ. Laale eniilayi yúmbaam. |
Muñeˈe nan kúŋalulumuu Yéesu kúmbuuluwaku li muwolamu, li aan búsukabu bubah li mahosamu. Nan bubahumuu, li aŋa’ kúmbuuluwaku hutokayi li muwolamu múl̥ubaamu, ban li ateb kúkilool ajooŋoo haatiya emitayi, min asal Ateemit. Fúlum tó, li amuncul kúmbuuluwaku asen kúgoomaku koola min kugaben ko búsukabu.
Li alaañen aŋa’ ejunk yata ébiiñ, min asal Ateemit aban, li aseniil yo ban li aaniil: — Jihob ló bukuluul foofuul feh.
Nan bukanabuku kubahumuu feh kuban, Yéesu li aŋa’ kúmbuuluwaku hutokayi li muwolamu múl̥ubaamu. Li ateb kúkilool ajooŋoo haatiya emitayi, min asal Ateemit aban, li amuncul kúmbuuluwaku asen kúgoomaku, min kuŋa’ ko kugaben búsukabu. Yéesu li amuncul foof muwolamu múl̥ubaamu agaben bukanabuku feh.
Muñeˈe Yéesu li aŋa’ ejunk yata ébiiñ, min asal Ateemit aban li aan: — Jiŋa’ ejunkayi inye jihoboo.
Nan kubahumuu boot hutiñahu, Yéesu li aŋa’ húmbuuluwahu min ásooniyen ho aban, li amuncul ho aseniil.
Li kunaak kujow hunakoohunak kujow kuwoog li kayinoo kano, li Eluufayi yata Ateemit. Li kunaak kutiñ hutiñahu hooli dín dáno li siluufasu sooliil, li ésuumansuum ló, li buyinum bájoobiye.
Li líiŋ li hunakahu hútinaalahu hata esimenayi, li jiwoogoo boot kamunculoo húmbuuluwahu. Fool li alako elob li bukanabuku káyinenumuu. Emmuu hunak hukaten láami li ajow, li awaale kale hukahu hujow hulit ŋáa’.
Ban buko foofiil feh, kuhohhob foof malamu manolamu man Ateemit aseniilumuu. Li mal̥egenamu, kunaanaak kuhob li hugisaahu han Ateemit anaake akaanumuu hunab li buko. Hugisaahu unhu, ho hulakomuu Kilisita.