Maak 6:41 - Jola-Kasa

⁴¹ Nan bukanabuku kubahumuu feh kuban, Yéesu li aŋa’ kúmbuuluwaku hutokayi li muwolamu múl̥ubaamu. Li ateb kúkilool ajooŋoo haatiya emitayi, min asal Ateemit aban, li amuncul kúmbuuluwaku asen kúgoomaku, min kuŋa’ ko kugaben búsukabu. Yéesu li amuncul foof muwolamu múl̥ubaamu agaben bukanabuku feh.

Maak 6:41 Referencias Cruzadas

Máciya 14:19

Muñeˈe nan kúŋalulumuu Yéesu kúmbuuluwaku li muwolamu, li aan búsukabu bubah li mahosamu. Nan bubahumuu, li aŋa’ kúmbuuluwaku hutokayi li muwolamu múl̥ubaamu, ban li ateb kúkilool ajooŋoo haatiya emitayi, min asal Ateemit. Fúlum tó, li amuncul kúmbuuluwaku asen kúgoomaku koola min kugaben ko búsukabu.

Máciya 15:36

Nan búsukabu bubahumuu, Yéesu li aŋa’ kúmbuuluwaku hutok li kúl̥ubaaku li muwolamu, min asal Ateemit aban, li amuncul asen kúgoomaku. Kúgoomaku li kuŋa’ kumunculaku kugaben búsukabu.

Máciya 26:26

Nan kulakomuu hutiñahu, Yéesu li aŋa’ húmbuulu. Nan ásooniyen homuu aban, li amuncul ho asen kúgoomaku koola, ban li aaniil: — Jiŋa’ jitokoñ. Laale eniilayi yúmbaam.

Maak 14:22

Muñeˈe nan kulakomuu hutiñahu, Yéesu li aŋa’ húmbuulu min asal Ateemit aban, li amuncul ho asen kúgoomaku koola ban li aaniil: — Jiŋa’, laalu eniilayi yúmbaam.

Maak 6:40

Mal̥egen bukanabuku li kubah kukaan kúmim kata bukan éteemeel, kaaku bukan kúyii kúl̥uba li kuŋen.

Maak 6:42

Bukanabuku feh li kutokoñ kujow kufooñ.

Maak 7:34

Fúlum tó, Yéesu li ajuke haatiya emitayi, li ahuuf aban li aan ánayinaawu: — Efata! (Yo yommuu: «Utónfulo!»)

Maak 8:19

Nan imunculumuu kúmbuuluwaku hutokayi boot li bukanabuku sínjunne hutok, jiwayil̥owut utekel woono weem wameeŋe kumuncul jitebumuu jíjowetum? Li koonool: — Utekel woono kuŋen li úl̥uba jimeeŋene.

Hulimahu Hásuumaahu loon Lík akiic homuu 24:30

Nan kubahumuu boot hutiñahu, Yéesu li aŋa’ húmbuuluwahu min ásooniyen ho aban, li amuncul ho aseniil.

Hulimahu Hásuumaahu loon Lík akiic homuu 9:16

Muñeˈe Yéesu li aŋa’ kúmbuuluwaku hutokayi li muwolamu múl̥ubaamu ban, li al̥uyo emitayi min ásooniyen kúmbuuluwaku li muwolamu li kal̥aw aban, li amuncul kúmbuuluwaku li muwolamu asen kúgoomaku kugaben ésukayi.

Hulimahu Hásuumaahu loon Saŋ akiic homuu 11:41

Mal̥egen li kúfulen húlankiinahu. Yéesu li ateb kúkilool ajuke emitayi ban li aan: — Faafa, lisali mata min úsooniyenemuu kal̥awaku kúmbaam.

Hulimahu Hásuumaahu loon Saŋ akiic homuu 17:1

Nan Yéesu alobumuu loon muñaˈa aban, li ateb kúkilool ajooŋoo li emitayi ban li aan: — Faafa, ewaatuwayi éliiŋe. Muñeˈe úhiis máyiineniyamu mata Añooli, mantee Añooli li áhiis foof máyiineniyamu mooli.

Hulimahu Hásuumaahu loon Saŋ akiic homuu 6:11

Muñeˈe Yéesu li aŋa’ kúmbuuluwaku min asal Ateemit aban, li agaben ko bukanabuku kalako tomuu. Li aŋa’ muwolamu min akaan manolamu, ban li asen anoowan li buko loon afañumuu.

Hulimahu Hásuumaahu loon Saŋ akiic homuu 6:23

No unnu, usaana wakee wabilumulo li ésukayi yan koonemuu Tibeeliyad, li úŋejul. Ulíiŋul, li ujow uya ukooj tan Amaaŋenawu abile akaanumuu búsukabu butiñ okila basale Ateemit aban.

Bakaanelabu 27:35

Nan Fool alobumuu kulimaku unku aban, li aŋa’ húmbuulu min asal Ateemit hákil bukanabuku feh ban, li amuncul ho atokoñ.

Kata Lom 14:6

An ajokumuu hunak hukee huhaŋ kunak kaaku, lakankaan mo boot li Amaaŋenawu. An atiñe wahawu feh, latintiñ wo boot li Amaaŋenawu, mata lasalesal Ateemit átowum atiñ wo. Anawu átiñeliitumuu wahawu feh, lakankaan mo boot li Amaaŋenawu, ban akila foof lasalesal Ateemit.

1 Kata Koolent 10:31

Mó mújimuu, jítiñoo li jíhoboo, wahoowah wan joote jikaan, li jikaan wo feh boot li máyiineniyamu mata Ateemit.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.