Máciya 14:19 - Jola-Kasa

¹⁹ Muñeˈe nan kúŋalulumuu Yéesu kúmbuuluwaku li muwolamu, li aan búsukabu bubah li mahosamu. Nan bubahumuu, li aŋa’ kúmbuuluwaku hutokayi li muwolamu múl̥ubaamu, ban li ateb kúkilool ajooŋoo haatiya emitayi, min asal Ateemit. Fúlum tó, li amuncul kúmbuuluwaku asen kúgoomaku koola min kugaben ko búsukabu.

Máciya 14:19 Referencias Cruzadas

Máciya 14:18

Yéesu li aaniil: — Jíŋalulom kúmbuuluwaku li muwolamu taate.

Maak 6:39

Muñeˈe Yéesu li alob kúgoomaku min kukaan bukanabuku feh kubah kukaan kúmim li mahosamu masayutumuu.

Maak 6:41

Nan bukanabuku kubahumuu feh kuban, Yéesu li aŋa’ kúmbuuluwaku hutokayi li muwolamu múl̥ubaamu. Li ateb kúkilool ajooŋoo haatiya emitayi, min asal Ateemit aban, li amuncul kúmbuuluwaku asen kúgoomaku, min kuŋa’ ko kugaben búsukabu. Yéesu li amuncul foof muwolamu múl̥ubaamu agaben bukanabuku feh.

Maak 7:34

Fúlum tó, Yéesu li ajuke haatiya emitayi, li ahuuf aban li aan ánayinaawu: — Efata! (Yo yommuu: «Utónfulo!»)

Hulimahu Hásuumaahu loon Lík akiic homuu 22:17

Muñeˈe Yéesu li aŋa’ ejunk yata ébiiñ, min asal Ateemit aban li aan: — Jiŋa’ ejunkayi inye jihoboo.

Hulimahu Hásuumaahu loon Lík akiic homuu 22:19

Fúlum tó, Yéesu li aŋa’ húmbuulu, min asal Ateemit aban, li amuncul ho asen kúgoomaku koola aban li aan: — Laale eniilayi yúmbaam yasenimuu boot li bukuluul. Jinaak jikaan mo min jiwayil̥owom.

Hulimahu Hásuumaahu loon Lík akiic homuu 24:30

Nan kubahumuu boot hutiñahu, Yéesu li aŋa’ húmbuuluwahu min ásooniyen ho aban, li amuncul ho aseniil.

Hulimahu Hásuumaahu loon Lík akiic homuu 9:14

(Kánayinaabuku kalako tomuu kuyilo kúliiŋ sínjunne hutok.) Yéesu li aan kúgoomaku koola: — Jikaaniil kubah kukaan kúmim kata bukan koono kúyii kúl̥uba li kuŋen.

Hulimahu Hásuumaahu loon Lík akiic homuu 9:16

Muñeˈe Yéesu li aŋa’ kúmbuuluwaku hutokayi li muwolamu múl̥ubaamu ban, li al̥uyo emitayi min ásooniyen kúmbuuluwaku li muwolamu li kal̥aw aban, li amuncul kúmbuuluwaku li muwolamu asen kúgoomaku kugaben ésukayi.

Hulimahu Hásuumaahu loon Saŋ akiic homuu 11:41

Mal̥egen li kúfulen húlankiinahu. Yéesu li ateb kúkilool ajuke emitayi ban li aan: — Faafa, lisali mata min úsooniyenemuu kal̥awaku kúmbaam.

Hulimahu Hásuumaahu loon Saŋ akiic homuu 6:23

No unnu, usaana wakee wabilumulo li ésukayi yan koonemuu Tibeeliyad, li úŋejul. Ulíiŋul, li ujow uya ukooj tan Amaaŋenawu abile akaanumuu búsukabu butiñ okila basale Ateemit aban.

Bakaanelabu 27:35

Nan Fool alobumuu kulimaku unku aban, li aŋa’ húmbuulu min asal Ateemit hákil bukanabuku feh ban, li amuncul ho atokoñ.

Kata Lom 14:6

An ajokumuu hunak hukee huhaŋ kunak kaaku, lakankaan mo boot li Amaaŋenawu. An atiñe wahawu feh, latintiñ wo boot li Amaaŋenawu, mata lasalesal Ateemit átowum atiñ wo. Anawu átiñeliitumuu wahawu feh, lakankaan mo boot li Amaaŋenawu, ban akila foof lasalesal Ateemit.

1 Kata Koolent 10:16

Jiyinoo ejunkayi yata kásooniyenaku yájimuu li unaak usalaal Ateemit. Inti nan uhobaale lómuu ekaanewolaakaan ubajaal hujamoo li Kilisita humum hata húsimahu hoola háyuwimuu boot li alolaal? Húmbuuluwahu han umunculoolaalemuu, inti nan utokoñaale homuu hukaanewolaakaan ubajaal hujamoo li Kilisita humum hata eniilayi yoola yacoocimuu boot li alolaal?

1 Kata Koolent 10:31

Mó mújimuu, jítiñoo li jíhoboo, wahoowah wan joote jikaan, li jikaan wo feh boot li máyiineniyamu mata Ateemit.

1 Kata Koolent 11:24

min asal Ateemit aban, li amuncul ho ban li aan: «Laale eniilayi yúmbaam, yammuu boot li bukuluul. Jikaan loon muñeˈe min jinaak jiwayil̥owom.»

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.