Muñeˈe li kúŋalul Yéesu ánayine áfuume ban ayilaat alob, mata buyinum bajakut bújufowool. Yéesu li afaken ánayinaawu min jíwool li ayili álobul, li ayili foof ajuk.
Máciya 17:18 - Jola-Kasa Muñeˈe nan kúŋalulumuu añiilawu, Yéesu li anuuloo li sembe buyinumabu bajakutaabu. Li búfu’ li añiilawu áyinaawu, min ayaan afak to. |
Muñeˈe li kúŋalul Yéesu ánayine áfuume ban ayilaat alob, mata buyinum bajakut bújufowool. Yéesu li afaken ánayinaawu min jíwool li ayili álobul, li ayili foof ajuk.
Muñeˈe Yéesu li aan anaalaawu: — Anaale, mo káyineni kukite kuluuk! Jow kaani loon ufañumuu. Asúngutaawu ata anaalaawu li ayaan afak.
Yéesu li aan: — Huwaj, okila bukuluul! Jíyinenut ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu taate.
Kúgoomaku li kúkoojul Yéesu min kugel̥l̥enool buko baleyiil, koonool: — Wáa újiye óloli jiyilaat jikesoo buyinumabu umbu bajakutaabu búfu’ li añiilawu?
Muñeˈe Yéesu li ágegul li ajukool. Li aan anaalaawu: — Añoolom, sákoli, káyinenaku kooli kufakeni. Anaalaawu li ayaan afak.
Muñeˈe Yéesu li afaken bukan kameeŋe li úsomut wábutoole. Li akesoo foof uyinum wajakut wameeŋe úfu’ li bukanabuku kan újufomuu, ban li áhi’ wó úlobum mata uhaase ayi ammuu Yéesu.
(Anáyinaawu lalollob kulimaku unku, mata Yéesu laanoosaan: «Buyinum bajakut, úfu’ li ánayinaawu ummu!»)
Uyinum wajakut li úfu’ foof li bukan kameeŋe kan újufoyeenumuu. Li unaak ukaaw, wo li káfulaku woon: — Awu ommuu Añiilawu ata Ateemit! Bale Yéesu li anuuloo wo ban akatut wo min ulob, mata wo uhaase woon okila ammuu Afakenaawu.
Lalollob loon muñaˈa mata Yéesu lanuuloonuuloo buyinum bajakutumuu min búfu’ li ánayinaawu. Buyinumabu bajakutaabu bujokewoojok ñameeŋe, min bukanabuku kuŋa’ useel min kujenk kuŋenaku li kootaku kata ánayinaawu kuyiliwum kufooyool. Bale fan anaak acac useelawu, min buyinumabu bajakutaabu bújowetumool boot ban an akinut.
Nan añiilawu alakomuu ebilayi, buyinumabu bajakutaabu li bubetool teetaam ban li búlilliŋenool li sembe. Bale Yéesu li anuuloo buyinumabu bajakutumuu, min afaken añiilawu ban li alaañenool asen atuubawool.
Jísungutaaju li jikaan mo jow baj kunak. Muñeˈe Fool huuñool li hulit, gay li átiiwowul aan buyinumabu bajakutumuu: — Leeni li kajaw kata Yéesu Kilisita, úfu’ li jísungutaaju unju! Mal̥egen buyinumabu bajakutumuu li buyaan búfu’ li jo.