Hulimahu Hásuumaahu loon Lík akiic homuu 4:41 - Jola-Kasa

⁴¹ Uyinum wajakut li úfu’ foof li bukan kameeŋe kan újufoyeenumuu. Li unaak ukaaw, wo li káfulaku woon: — Awu ommuu Añiilawu ata Ateemit! Bale Yéesu li anuuloo wo ban akatut wo min ulob, mata wo uhaase woon okila ammuu Afakenaawu.

Hulimahu Hásuumaahu loon Lík akiic homuu 4:41 Referencias Cruzadas

Máciya 26:63

Bale Yéesu abagut. Alámbaawu áamakawu li aanool: — Lil̥awi li kajaw kata Ateemit aloŋumuu. Ulóboli mantee awu ommuu Afakenaawu, Añiilawu ata Ateemit.

Máciya 4:3

Sayitaane li ákoojulool min abuntoolool aanool: — Nokoomuu loon awu ommuu Añiilawu ata Ateemit, ukaan kuyitikaku unku kulaañ kúmbuulu.

Máciya 8:16

Li líiŋ kátiimaku, li kúŋalulool bukan kameeŋe kan uyinum wajakut újufowe. Yéesu li alob hulim hano, uyinumawu wajakutumuu li úfu’ li buko, ban li afaken foof bukanabuku feh kásomuteenumuu.

Máciya 8:29

Nan kánayinaabuku kúl̥uba kufamumuu li Yéesu, li kukaaw butiya koon: — Añiil ata Ateemit, waa lufañe li óloli? Waa, lubiibil boot jálaatenoli tówum hunakahu hata batiibabu húliiŋ?

Máciya 8:4

Fúlum tó, Yéesu li aanool: — Ukáanum, jakum ulob mo an. Bale ujow boot bata álambaawu min ánandi. Banumuu li usen busuuhenabu bata kágiilenaku ban Móyiis alobumuu kasen, min úhiis ésukayi kaanaku lufaafak.

Maak 1:25

Yéesu li anuuloo buyinumabu bajakutumuu li sembe aan: — Ulu, ban li úfu’ li ánayinaawu ummu!

Maak 1:32

Muñeˈe li bil liiŋ kátiimaku, banakabu balowe, bukanabuku li kútebul kásomutumuu feh li kan uyinumawu wajakutumuu újufomuu, boot bata Yéesu.

Maak 1:34

Muñeˈe Yéesu li afaken bukan kameeŋe li úsomut wábutoole. Li akesoo foof uyinum wajakut wameeŋe úfu’ li bukanabuku kan újufomuu, ban li áhi’ wó úlobum mata uhaase ayi ammuu Yéesu.

Maak 3:11

Muñeˈe nan uyinumawu wajakutumuu ujukumuu Yéesu, li ulo hákilool ban li unaak úlobul butiya woon: — Awu ommuu Añiilawu ata Ateemit.

Hulimahu Hásuumaahu loon Lík akiic homuu 4:39

Yéesu li ásiten ajooŋoo li anaalaawu min anuuloo bújuusaabu li sembe. Li búfu’ li okila, min anaalaawu ayaan ayito alakoyiil kakaan kutiñ.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Saak 2:19

Inti lúyinenyinen kaanaku Ateemit ano bale abaje? Lukooŋe. Bale uhaas oon uyinumawu wajakutumuu foof úyinenyinen kaanaku Ateemit ano bale abaje, ban li unaak uteelen.