Hulimahu Hásuumaahu loon Lík akiic homuu 9:42 - Jola-Kasa

⁴² Nan añiilawu alakomuu ebilayi, buyinumabu bajakutaabu li bubetool teetaam ban li búlilliŋenool li sembe. Bale Yéesu li anuuloo buyinumabu bajakutumuu, min afaken añiilawu ban li alaañenool asen atuubawool.

Hulimahu Hásuumaahu loon Lík akiic homuu 9:42 Referencias Cruzadas

Maak 9:20

Mal̥egen bukanabuku li kúŋalulool añiilawu. Nan buyinumabu bajakutumuu buyaane bujukumuu Yéesu, li búlilliŋen añiilawu li sembe. Li alo li etaam min anaak ababbaloo. Butumabu boola li buhoohet.

Hulimahu Hásuumaahu loon Lík akiic homuu 7:15

Mal̥egen aketaawu li ayito abah, min alako elob. Yéesu li alaañenool asen jaawool.

Hulimahu Hásuumaahu loon Lík akiic homuu 9:39

Buyinum bajakut fan bújufowool, min ayaan akaaw butiya. Fan búlilliŋenool li sembe min bukaan butumabu boola buhoohet. Fan búlaamenool, ban káfulaku kata bo li okila li kúsengi ŋáa’.

Hulimahu Hásuumaahu loon Lík akiic homuu 9:41

Yéesu li aan kúgoomaku koola: — Huwaj, akila bukuluul? Jibajut káyinen, ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Uŋálulom jífulaju jooli taate.

Hulimahu Hásuumaahu loon Lík akiic homuu 9:43

Esúkayi feh li esego mata sembaasu sata Ateemit. Muñeˈe emmuu anoowan baloŋe li asego mata wahawu feh wan Yéesu akaanumuu, Yéesu li aan kúgoomaku koola:

Hulimahu Hásuumaahu loon Saŋ akiic homuu 6:19

Kúgoomaku li kuween kujow kubaj sikilomeet sayilo siŋej hutok mantee foof hutok li yano, li kujuk Yéesu li abilum li malamu ákoojul busaanaabu. Li kúkoli.

Bakaanelabu 9:41

Fiyeel li átukool li kaŋen min alambenool ayito. Ban, li áhooñul bukanabuku káyinenumuu li Yéesu, li kanaalaabuku kahokumuu kúyiniil, min áŋalul Tabita áhiisiil maloŋe.

Búhiisenumabu 12:12

Mó mújimuu, ésuumahukow ejow elako li emitayi li bukanabuku kakin dómuu! Bale búyiik bujow bulako li etaamayi li halahu! Mata Sayitaane láwalowulo boot li bukuluul, mawuñete ŋáa’. Lahaase aan taŋayi yasaŋowoolumuu efamut.»