Hulimahu Hásuumaahu loon Lík akiic homuu 9:41 - Jola-Kasa

⁴¹ Yéesu li aan kúgoomaku koola: — Huwaj, akila bukuluul? Jibajut káyinen, ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Uŋálulom jífulaju jooli taate.

Hulimahu Hásuumaahu loon Lík akiic homuu 9:41 Referencias Cruzadas

Máciya 11:28

«Jibil búmbaam, bukuluul feh jayokumuu ban li jíl̥iiten, min iyool̥enuul.

Máciya 12:39

Yéesu li aaniil: — Bukanabuku kata muñeˈe kakaanumuu bukan kajakut, ban kútuulut Ateemit, li kul̥aw mantee li kujuk wah wájaahaleniye. Bale let kujuk búhiisenum bájaahaleniye bábuto li wahawu wabujumuu Sonaas ammuu afulofet.

Máciya 12:45

Buyinumabu bajakutaabu li bulaañ bujow búŋalul uyinum wajakut wakee woono hutok li úl̥uba wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu. Muñaˈa emmuu bil nokoo li bukanabuku kata muñeˈe kajakutumuu.

Máciya 16:4

Bukanabuku kata muñeˈe kajakutumuu ban kútuulut Ateemit, kóomi li huŋes min kujuk búhiisenum bájaahaleniye. Bale let kujuk búhiisenum bakee bájaahaleniye bábuto li wahawu wabajumuu Sonaas. Ban Yéesu li akatiil to min ajow.

Máciya 17:17

Yéesu li aan: — Huwaj, okila bukuluul! Jíyinenut ban li jinaak jíkaandomaayiiñ. Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu taate.

Máciya 23:36

Li mal̥egenamu fan ilobuul, katekaku kata eketayi yata bukanabuku umbuku feh, fan kulo li bukanabuku kata muñeˈe.

Máciya 3:7

Nan Saŋ ajukumuu Kufaaliisiyeŋ li Kusaduusiyeŋ kameeŋe li kubil boot min ábatiiseyiil, li aaniil: — Sil̥aal̥akase! Ayimaa ahebuluul buu jóomi li jikaan min jifak li katekaku kaanomuu li ebil kata etindihuuñayi yata Ateemit?

Maak 10:14

Nan Yéesu ajukumuu kúgoomaku li kukaan loon muñaˈa, súumutool min aaniil: — Jikat bañiilabu min bubil boot búmbaam. Jakum jíhiliil kubilum. Mata Jáyiiyaju jata Ateemit jata bukanabuku kanokoomuu li buko.

Maak 10:49

Yéesu li ayiten ban li aan bukanabuku: — Jíhooñulool. Mal̥egen bukanabuku li kúhooñul ánayinaawu áfuumumuu min koonool: — Sákoli, uyito, Yéesu lahooñi.

Maak 9:19

Yéesu li aaniil: — Huwaj, akila bukuluul! Jibajut káyinen! Boot min ilako li bukuluul boot yok nay? Kama boot min ímuñuul boot yok nay? Jíŋalulom añiilawu.

Hulimahu Hásuumaahu loon Lík akiic homuu 8:25

Muñeˈe Yéesu li aan kúgoomaku koola: — Káyinenaku kooluul kunkay? Bale kúgoomaku li kúkoli ŋáa’, ban li kusego. Li kunaak kugel̥l̥enoo koon: — Kama ánayinaawu ummu fíle okila ammuu ayi, an emmuu alobumuu maayeet li élusayi li étuulool, li malamu li mútuulool?

Hulimahu Hásuumaahu loon Lík akiic homuu 9:40

Liyaakooyaakoo kúgoomaku kooli mantee li kukesoo bo, bale kuyilaat.

Hulimahu Hásuumaahu loon Lík akiic homuu 9:42

Nan añiilawu alakomuu ebilayi, buyinumabu bajakutaabu li bubetool teetaam ban li búlilliŋenool li sembe. Bale Yéesu li anuuloo buyinumabu bajakutumuu, min afaken añiilawu ban li alaañenool asen atuubawool.

Hulimahu Hásuumaahu loon Saŋ akiic homuu 14:9

Yéesu li aanool: — Fiyowe ŋáa’ nan éemi li bukuluul. Uhaasolutom boot muñeˈe, Fílib? An ajukommuu, Atuubaawu lajuke. Kama buu kaane li oon: «Uhíisoli Atuubaawu?»

Hulimahu Hásuumaahu loon Saŋ akiic homuu 20:27

Nan asaafiilumuu aban li aan Toma: — Uŋálul husiikahu hooli ukaan taate min ujuke kuŋenaku kúmbaam. Uŋálul kaŋenaku kooli min ugo’ kahehaku kúmbaam. Jakum úwettoo, bale úyinen!

Bakaanelabu 13:18

Ateemit li aakeniil li kayiinaayaku butum simit kúyii kúl̥uba.

Bakaanelabu 2:40

Fiyeel li alaañen alobiil kulim kameeŋe, boot kakaaniil kúyinen li boot kawankuleniil. Li aaniil: — Jífu’ li bukanabuku kata muñeˈe kajakutumuu, min Ateemit afakenuul.

Kata Lom 2:4

Bale waa, lubebbes másuumamu máamakamu mata Ateemit, li húmuñahu hoola li kabebenaku koola? Uhaasut oon másuumamu mata Ateemit móotimuu mújiyi li ubet búsol buloŋabu booli buhaanabu?

Eébulo 3:19

Ban lujukaale li mal̥egen kaanaku kubilut kuyili kunoken dó humum hata káyinenaatiyaku kooliil.

Eébulo 4:11

Mó mújimuu, lootaale kama ukaanaal wahoowah min ubajaal kayool̥owaku unku, jakum bil an li alolaal alo, okila banabe li bukittenoolumabu bata bukanabuku kátuulutumuu Ateemit.

Eébulo 4:2

Li mal̥egenamu, alolaal luyabaayab Hulimahu Hásuumaahu hata Ateemit, loon foof bukanabuku kalakomuu li kayiinaayaku kuyab homuu. Bale hulimahu han kujamumuu, hubajut li buko jáliŋ yanooyan, mata nan kujam homuu kuyabut ho li káyinen ló.

Eébulo 7:25

Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.