Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.
Máciya 10:26 - Jola-Kasa — Mó mújimuu, jakum jíkoli bukanabuku kalobemuu majakut kuya li bukuluul. Bajut wah wáhimeni waatut ubil úhimuli. Bajut foof wah wayolooli waatut ubil uhaasi. |
Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.
Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.
Mata bajut wah wayoli waatut ubil ujuki. Ban bajut wah wayolooli, waatut ubil uhaasi min úhiisi li mawuŋe.
Bale fan jibaj sembe nan Buyinumabu Banabaabu bommuu li búwalowul bubil bulako li bukuluul. No unnu, fan jilako bukan kalobe múmbaam ésukayi. Fan jilob múmbaam li ésukayi yata Yeelusalem, li etaamayi feh yata Súde li yata Samali, boot yok ban etaamayi ébanummuu.
Muñeˈe kunahaanaku kata Kusuwifaku li kujuk koon Fiyeel buko li Saŋ kulollob li kabaneyiil. Nan kuhaasumuu koon kujangawut, ban foof kulet bukan káamak, li kusego ŋáa’. Li kuhaas foof koon Fiyeel buko li Saŋ kunaanaak kunaboo li Yéesu.
Bale Fiyeel buko li Saŋ li kooniil: — Jitiib bukuluul humumuul min jijuk, mantee coccol hákil Ateemit, min áloli jihoy bátuul Ateemit, min jítuuluul.
Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.
Maayeet min jikite jílaam mata jikankaan wah wacole, jibaje kásuumaay. Jakum jíkoli bukan, ban jakum uyinumuul úguul̥oo.