1 Kata Koolent 4:5 - Jola-Kasa

⁵ Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

1 Kata Koolent 4:5 Referencias Cruzadas

Máciya 10:26

— Mó mújimuu, jakum jíkoli bukanabuku kalobemuu majakut kuya li bukuluul. Bajut wah wáhimeni waatut ubil úhimuli. Bajut foof wah wayolooli waatut ubil uhaasi.

Máciya 24:30

Muñeˈe no húhaasumahu hata Añool-An hommuu hujuki li emitayi. Esúkayi feh yammuu li etaamayi fan el̥okoo, ban fan ejuk Añool-An li abilumul li ufaalawu wata emitayi, li sembe li máyiineni máamak ló.

Máciya 24:46

Awólo, alokaawu ummu, an anahaanawu oola ammuu li áliiŋul, li atookool akila li kakaan bulokabu ban asenoolumuu kakaan!

Máciya 25:21

Anahaanawu oola li aanool: “Jaajak, lukankaan aloka ajake an an ayilo ákangum li okila. Lútuutuk jak wah watit. Muñeˈe fan iseni wah wahaŋe maluuk ooken. Ubil ulako li ésuumansuum loon ínje.”

Máciya 25:23

Anahaanawu oola li aanool: “Jaajak, lukankaan aloka ajake an an ayilo ákangum li okila. Lútuutuk jak wah watit. Muñeˈe fan iseni wah wahaŋe maluuk ooken. Ubil ulako li ésuumansuum loon ínje.”

Hulimahu Hásuumaahu loon Lík akiic homuu 6:37

— Jakum jitiib an, jakum bil Ateemit atiibuul. Jakum jiwataten an, jakum bil Ateemit awatatenuul. Jinaakumuu jibonket bukan, Ateemit fan abonketuul.

Hulimahu Hásuumaahu loon Saŋ akiic homuu 21:22

Yéesu li aanool: — Ifañumuu min aloŋ boot nan emmuu li ibil ílaañul, waa butumi bóomi bó? Awu únabul lí ínje!

Hulimahu Hásuumaahu loon Saŋ akiic homuu 21:23

Muñeˈe hulimahu unhu li hujamo li káyinenumuu kaanaku ágoomawu ummu let aket. Ban, Yéesu aanut Fiyeel ágoomawu ummu let aket, bale laanoosaan: «Ifañumuu min aloŋ boot nan emmuu li ibil ílaañul, waa butumi bóomi bó?»

Hulimahu Hásuumaahu loon Saŋ akiic homuu 5:44

Kama buu emmuu nokoo li jiyili jíyinen, bukuluul jan emmuu búsaloo bale jifañe, ban let jiŋes kasal kabilumulo li Ateemit balewool?

Kata Lom 14:4

Kama awu ommuu ayi, mata min utiib aloka ata an? Atúkumuu lit, mantee foof li alo, anahaanawu oola bale ayilo alob to wah. Ban fan átuk lit, mata Amaaŋenawu labaje sembe sata min akaanool átuk lit.

Kata Lom 2:1

Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu.

Kata Lom 2:16

Wahawu unwu wommuu li ubil ujuki li hunakahu nan Ateemit ammuu li ájowum li Yéesu Kilisita min atiib wahawu feh wayolomuu li buloŋabu bata bukanabuku, loon Hulimahu Hásuumaahu han iwaaleyemuu li ho hulobumuu.

Kata Lom 2:29

Asuwif ata mal̥egen, wahawu wayolomuu kata láalawool újimuu li aani asuwif laam. Katey búkut kata mal̥egen, ko kommuu kata buyinumabu, kabilummuu li Buyinumabu bata Ateemit, bale let kabilummuu li eluwaayi yakiicimuu. Asuwifawu ummu ata mal̥egen, let ábajum kasal li bukanabuku, bale fan ábajum kó li Ateemit.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

1 Kata Koolent 1:7

Mó mújimuu bajut káji kakee kata Ateemit kasaŋowuul, bukuluul jammuu li banaak nan Amaaŋenawu oololaal Yéesu Kilisita ammuu li álaŋul.

1 Kata Koolent 11:16

An afañumuu min alaañen áwonnoo mata hulimahu unhu, ahaas aan áloli jibajut bakaane bakee, ban sijanguwasu sata Ateemit foof sibajut bakaane bakee.

1 Kata Koolent 11:26

Li mal̥egenamu, kulimaku unku kan Amaaŋenawu Yéesu alobumuu kúhihhiis kaanaku nanoonan nan jitiñe húmbuuluwahu unhu ban li jihob ejunkayi inyu, jiyiiŋene eketayi yata Amaaŋenawu, boot yok nan ammuu li abil.

1 Kata Koolent 15:23

Bale anoowan labaje tan ayitomuu li kacaal̥aku: Kilisita ammuu átinaa li kayitowulaku li eketayi, ban bukanabuku kata Kilisita fan kuyitowumul li eketayi nan ammuu li álaañul.

1 Kata Koolent 3:13

bulokabu boola fan bubil búfulul bujuki li hunakahu hata batiibabu. Li hunakahu unhu, Ateemit fan aŋa’ sambun min ayoob bulokabu bata anoowan, min anoowan ahaas bulok buu lakaane.

1 Kata Koolent 3:14

An an sambunasu unsu sootutumuu sikajen wahawu wan ateefumuu alakken li huteefahu unhu huleeteemaahu, anawu ummu fan ayab bacaam.

1 Kata Koolent 3:8

Anawu al̥ukumuu kulele buko li anawu aloosemuu. Ateemit fan acaam anoowan li buko le li bulokabu ban akaanumuu.

2 Kata Koolent 10:18

Li mal̥egenamu, let an asaloolowe aluukeneyi, bale anawu an Amaaŋenawu asalumuu akila aluukeni.

2 Kata Koolent 10:9

Ifañut min lako líkoyilenuukoyilen li sileetalasu súmbaam;

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Kata Koolent 5:10

Li mal̥egenamu, wahawu wan ukaanaalumuu alolaal foofolaal feh, fan ubil uhaasi hákil tilibinaalayi yata Kilisita, min anoowan ayab bacaamabu bata wahawu wan akaanumuu nan alakomuu buloŋ li eniilayi inye, lako majake mantee foof majakut.

1 Kata Tesalonik 5:2

Bukuluul humumuul jihaase jak kaanaku hunakahu hata Amaaŋenawu fan hubil an bahaasut loon ákuu abilemuu li huk.

Eébulo 4:13

Bajut búwuwenum ban Ateemit ayilaat ajuk. Wahawu feh úhimulohimulo ban li uweeteni hákilool, ban anoowan li alolaal fan abil alob asenool mata wahawu feh wan akaanumuu.

Saak 4:11

Kutuyom, jakum an alob majakut aya li afaalool. An alobumuu majakut aya li afaalool mantee foof li atiibool, anawu ummu majakut lalobe aya li eluwaayi, ban yo foof latiibe. Imban utiibumuu eluwaayi, ulet an akaane loon eluwaayi elobumuu, bale atiiba ata yo loom.

Saak 5:7

Kutuyom, jimunten boot yok nan Amaaŋenawu ammuu li abil. Jilaso awaña min jijuk buu lakaanemuu. Awaña fan abeben min akob min wahawu wan awañumuu li etaamayi usenool mutiñaay majake. Ban fan akob boot yok nan mutiñaayamu man awañumuu mommuu li maal emitayi basaye.

Saak 5:9

Kutuyom, jakum an li bukuluul ámummunoo mata afaalool, jakum bil Ateemit atiibuul. Jíkaanum, atiibaawu ummu mayitowe tin kámbiilaku.

1 Fiyeel 1:7

Sílaamasu unsu soonosoono to boot kayoob mantee jil̥egenl̥egen li káyinenaku kooluul. Ewúlus eyilo ekajen, bale fan kukaan yo li sambun min kujuk mantee égiiwoolut li wah ukee. Muñowu káyinenaku kooluul kóotimuu kuyoobi. Kuhaŋe matiineni éwulus, bale fan kuyoobi foof min juk mantee kul̥egenl̥egen. Muñeˈe nan Yéesu Kilisita ammuu li abil, fan jibaj kábinken, kasal li máyiineni, humum hata káyinenaku kooluul kammuu kata mal̥egen.

1 Fiyeel 5:4

Muñeˈe nan Anahaanawu ata kumataaku ammuu li álaŋul, bukuluul fan jiyab éjambi yáyiineniye, yan kaleñaku kata yo kootut kútiiŋo.

2 Fiyeel 3:12

Bukuluul jumbuku li kakob min Hunakahu hata Ateemit húliiŋ, ban joote jikaan manooman min húliiŋul cab. Hunakahu unhu emitayi yommuu li ésulo ejow eleem mootoj, min wahawu wáami lómuu ubuuwo li hásufaahu hata sambunasu.

2 Fiyeel 3:4

ban li kunaak koon: «Inti laanuusaan boot min abil? Kama okila ummay? Situubawolaal sihaan sikete siban, ban kábilum nan adunaayi ejuul̥imuu boot síyaat wahoowah úbutoolut.»

Eleetalayi yan Súd akiicumuu 1:14

Buko Enok, ammuu anawu atoken li ál̥ubutawu kábilum Adam, alobumuu mooliil ákibben nan aanumuu: «Jijanten: Amaaŋenawu ummu li ebil li búsuk báamak bata kumalakaaku koola kanabaaku,

Búhiisenumabu 1:7

Jijuke, ummu li ebilumul li ufaalawu. Ban bukanabuku feh fan kujukool, maayeet bukanabuku kayawoolumuu kúfawul. Bukanabuku feh kammuu li etaamayi fan kugamoo moola. Eéhe’! Muñaˈa. Aameen.

Búhiisenumabu 20:12

Muñeˈe li ijuk bukanabuku kaketumuu, káamakabuku li katitabuku mayitowe hákil efenjeŋayi yata jáyiiyaju. Síliibal li síbabuli, ban éliibal yakee foof li ébabuli: yo yommuu éliibalayi yata buloŋabu. Bukanabuku kaketumuu li kutiibi naboo li wahawu wan anoowan li buko akaanumuu, loon kiicumuu li síliibalasu.