1 Kata Koolent 4:6 - Jola-Kasa

⁶ Kutuyom, wahawu wan ilobuulumuu feh, lilollob wo iya li Afolos lí ínje humumom boot li majakaamu mooluul. Lifañeene min jiliikenum li áloli wahawu wan húlobuwahu unhe hufañumuu hulob: «Jakum jikaan wah jijow jiwuuhen wahawu wakiicimuu.» An li bukuluul aatut ateben ubandool mata min alaañe bata akee min akat bo aahu.

1 Kata Koolent 4:6 Referencias Cruzadas

Bakaanelabu 18:24

Muñeˈe no unnu, asuwif akee an koone Afolos abuki Alekusandili, li áliiŋul li ésukayi yata Efées. Afolos lakankaan ánayine acole hulim, ban li ahaas Hulimahu hata Ateemit jak.

Bakaanelabu 19:1

Nan Afolos alakomuu Koolent, Fool li ájowum li etaamayi ban kuyuuyaku kommuu, abil boot Efées. Alíiŋul li atook bó kúgoom kukee.

Kata Lom 12:3

Boot min ilobuul humum hata kájiyaku kan Ateemit asenommuu eenuul: Jakum an li bukuluul atebenoolo ajow áliiŋ tan áliiŋut, bale jiwalenoolo li mayineluul, naboo li buu Ateemit aliikumuu káyinenaku kan asenuulumuu kule.

1 Kata Koolent 1:12

Wahawu wan ifañumuu ilob, wo wommuu unwe: li bukuluul akee fan aan: «Injé bata Fool lilaañe», aahu li aan: «Injé bata Afolos», aahu li aan: «Injé bata Fiyeel», akee foof li aan: «Injé bata Kilisita lilaañe».

1 Kata Koolent 1:19

Bakiicelabu kulimaku unke bulobe: «Fan ikajen bújallowabu bata kájallomuu, ban li ihoy butuukowabu bata katuukomuu.»

1 Kata Koolent 1:31

Mó mújimuu, loon bakiicelabu bulobumuu: «An afañumuu min asaloolo, laate kama asaloolo mata wahawu wan Amaaŋenawu akaanumuu.»

1 Kata Koolent 13:4

Húbooli húmuñ, húbooli másuum. Húbooli inti batii, húbooli inti kasaloolo, húbooli inti katebenoolo.

1 Kata Koolent 3:19

mata bújallowabu bata adunaayi inye, bul̥uuhoo hákil Ateemit. Li mal̥egenamu, Bakiicelabu bonsoon: «Ateemit li butuukowabu bata kájallomuu, lájokumeyiilumuu.»

1 Kata Koolent 3:21

Mó mújimuu, jakum an asaloolo mata bukan kúji, mata wahawu feh wooluul:

1 Kata Koolent 5:2

Buyina booteene bujokuul, min jikesoo anawu ummu ákaanikoomuu áfu’ li bukuluul, bale jikaanut mo min bukuluul jinaak jiteben ubanduul.

1 Kata Koolent 5:6

Min jitebenemuu ubanduul loon muñaˈa, jakut maayeet! Kama jihaasut kaanaku: «Jílebiil jatit jíkaakenemuu efolayi feh yasiiwimuu.»

1 Kata Koolent 8:1

Muñeˈe mata eliwayi yata sínuukuleŋasu sasilayimuu kuteemit kalet mal̥egen, luhaasaale kaanaku «alolaal foofolaal feh lubajaale kahaasemiñ», loon jilobemuu. Bale kahaasemiñ lakaanekaan an min atebenoolo, húbooli li akaan an min ank li káyinenaku.

1 Kata Koolent 9:23

Wahawu unwu feh likankaan wo bájum Hulimahu Hásuumaahu li hujami tanootan, mantee li íbajum tó júmbaam li kásooniyenaku kata ho.

2 Kata Koolent 10:12

Li mal̥egenamu, áloli jikaañenut jiliiko, mantee foof jikittenoolum li kukee li bukanabuku kaluukenoolomuu buko humumiil. Bukanabuku umbuku kuŋalooloŋaloolo kukaan kaliikum boot li buko humumiil, ban li kuŋaloolo foof kukaan bukittenoolum boot li buko humumiil. Kutuukowut maayeet!

2 Kata Koolent 10:15

Jilet foof li kasaloolo jijow jihaŋ tan jóotimuu jisaloolo jijow jikib, humum hata bulokabu ban kukee kukaane. Bale áloli jibaje kákangum kaanaku káyinenaku kooluul fan kuhaŋ malit, min áloli jiyili jikaan bulok bahaŋe maluuk li bukuluul, jow le tan áloli jóotimuu jikib.

2 Kata Koolent 10:7

Bukuluul jijuke wahawu loon woonomuu. An li bukuluul ayinoomuu li aan okila an ata Kilisita, alaañen ayinoo jak min ahaas aan: áloli foof bukan kata Kilisita joom loon akila humumool.

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.

2 Kata Koolent 12:19

Fiyowe nan bukuluul jiyinoole li joon áloli kacahenoolo jóomi li ko hákiluul. Let mo! Alóli hákil Ateemit jóomi li elob, jówum li hujokoolahu hóololi li Kilisita. Kufaalom kan iboolaat, wahawu wan áloli jilobumuu, jilobuulob wo boot kaliten káyinenaku kooluul.

2 Kata Koolent 12:20

Wahawu wan íkolimuu wo wommuu, jakum bil íliiŋul booluul let itookuluul manokoole loon ifañumuu, ban bukuluul foof let jijukom manokoole loon jifañeenumuu. Wahawu wan íkolimuu foof, wo wommuu min baj li bukuluul úmuy, batahaay, buwuñetoo, búhaŋoo, búgeloo li kúloboo, katebenoolo ban anoowan li ukaan wah wásuumi.

2 Kata Koolent 12:6

Li mal̥egenamu, ínje ifañeenumuu min isaloolo, let ilako an awele, mata fan ilob mal̥egenamu bale. Bale let ikaan mo, mata ifañut min bukanabuku kuluukenom jow haŋ wahawu wan kujukemuu lí ínje, mantee foof wan kujamewommuu li ilob.

2 Kata Koolent 4:15

Li mal̥egenamu, wahawu unwu feh wan áloli jímuñemuu lí wó, jímummuñ wó mata bukuluul jíji, mantee kájiyaku kata Ateemit li kunaak kugo bukan kahaŋe mameeŋ, min kasalaku kan ésukayi esalemuu Ateemit kújowum to kuhaŋ maluuk, boot li máyiineniyamu moola.

Kata Kolos 2:18

Jakum jikat bukanabuku kafañumuu ŋáa’ kakaan loon kuwalenoolowalenoolo, ban li kunaak kumanen kumalaka, min kúfulenuul li busuuhenabu bammuu booluul. Bukan loon muñowu kulobelob ŋáa’ mata wahawu wan kujukumuu li kahimmo. Fan kunaak kukaal̥o li katebenoolo, ban li kunaak kuyinoo mata wahawu wata adunaaye bale.

1 Kata Tesalonik 1:5

Mata Hulimahu Hásuumaahu han jiwaalewuulumuu, inti li kulim bale jiwaale ho booluul. Bale jiwaalewuuwaale ho foof li sembe li búlambenum bata Buyinumabu Banabaabu, ban li káyinen ló kaanaku Hulimahu unhu mal̥egen. Bukuluul jihaase buu áloli jiloŋumuu li bukuluul boot li majake mooluul.

2 Tímote 2:10

Wahawu unwu újimuu li imunten wahawu feh, boot majakaamu mata bukanabuku kan Ateemit al̥usumuu, mantee buko humumiil foof li kubaj kafakaku kammuu li Kilisita Yéesu, li máyiineniyamu maano tomuu boot nanoonan.