Nan áliiŋumuu, li kúŋalulool an abobowe, ahintowe li bukal̥. Nan Yéesu ajukumuu káyinenaku kooliil, li aan anawu abobomuu: — Sákoli añoolom, uhoofoolawu wooli ubonketibonket.
Maak 2:5 - Jola-Kasa Nan Yéesu ajukumuu káyinenaku kooliil, li aan anawu abobomuu: — Añoolom, uhoofoolawu wooli ubonketibonket. |
Nan áliiŋumuu, li kúŋalulool an abobowe, ahintowe li bukal̥. Nan Yéesu ajukumuu káyinenaku kooliil, li aan anawu abobomuu: — Sákoli añoolom, uhoofoolawu wooli ubonketibonket.
Muñeˈe Yéesu li ágegul li ajukool. Li aan anaalaawu: — Añoolom, sákoli, káyinenaku kooli kufakeni. Anaalaawu li ayaan afak.
Waa uhaŋe másuum elob, kaan hubobahu: «Uhoofooli ubonketibonket» mantee kaanool: «Uyito min ujow?»
Kukee li bukanabuku kaliikenemuu ésukayi eluwaayi yata Móyiis, kabahumuu li eluufayi, li koon li uyinumiil:
Yéesu li aanool: — Añoolom, káyinenaku kooli kufakeni. Ujow li kásuumaay ban li ufak li kásomutaku kooli.
Nan Yéesu ajukumuu buu káyinenaku kooli kuluukumuu, li aan ánayinaawu: — Afaalom, uhoofoolawu wooli ubonketibonket.
Ban jokutool min kulobool mata an, mata akila humumool lahaase waa wóomi li buyinum bata an.
Fúlum tó, Yéesu li atook ánayinaawu an afakenumuu, li Eluufayi yata Ateemit, li aanool: — Inti muñeˈe lufake, jakum ulaañen uhoofoo jakum bil wah wahaŋe másengi ubaji.
Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.
Anáyinaawu li alako bajanten kulimaku kan Fool alakomuu elobayi. Muñeˈe Fool li ajukelool súy, li ahaas aan ánayinaawu labaje káyinen kayilo kújiwool li afak.
Ateemit li ateben Yéesu, ban li aŋalool akaan kaŋen kúli. Li akaanool alako Anahaan áamak li Afakena, bájum kata Isilayeel li kuyili kútiiwo kuŋa’ buloŋ bawunkul, min uhoofoolawu wooliil ubonketi.
Wahawu unwu újimuu bukan kameeŋe li bukuluul li kúsomut kaabuku li kúgooto, ban kameeŋe li kuket.
Anoowan an jibonkete wah wan akaane, ínje foof libonketool. Injé ibonketumuu, nokoomuu loon libabbaj wah wan eete ibonket, fan ibonket humum hooluul, hákil Kilisita,
Li mal̥egenamu, másuumamu mata Ateemit mújiwuul li jifak, jówum li káyinenaku kooluul li Kilisita. Bilumut li bukuluul, laalu búsenum bata Ateemit.
Jinaak jímuñoo, ban an li bukuluul bajumuu wah wan afaalool afete li akila li wo, li jibonketoo, loon Amaaŋenawu abonketuulumuu foof.
Kunahaanaku kata ejanguwayi kúyinenumuu kaanaku anawu ummu ásomutumuu fan afak, mal̥egen fan afak. Ban Amaaŋenawu fan asenool kásuumaay. Ban foof nokoomuu loon lakankaan kahoofoo, Ateemit fan abonketool ko.