Máciya 9:2 - Jola-Kasa

² Nan áliiŋumuu, li kúŋalulool an abobowe, ahintowe li bukal̥. Nan Yéesu ajukumuu káyinenaku kooliil, li aan anawu abobomuu: — Sákoli añoolom, uhoofoolawu wooli ubonketibonket.

Máciya 9:2 Referencias Cruzadas

Máciya 14:27

Bale Yéesu li ayaan aaniil: — Sákoluul, jítik, laalu ínje.

Máciya 4:24

Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Máciya 6:12

Ban li ubonket bafetabu bóololi loon jibonketemuu foof kafetemuu li óloli.

Máciya 8:10

Nan Yéesu ajamumuu kulimaku unku, li asego ŋáa’. Li aan kanabumuu li akila: — Li mal̥egenamu, boot min ilobuul, ijukolut híndo Isilayeel an abaje káyinen lí ínje loon ánayinaawu ummu.

Máciya 8:16

Li líiŋ kátiimaku, li kúŋalulool bukan kameeŋe kan uyinum wajakut újufowe. Yéesu li alob hulim hano, uyinumawu wajakutumuu li úfu’ li buko, ban li afaken foof bukanabuku feh kásomuteenumuu.

Máciya 9:22

Muñeˈe Yéesu li ágegul li ajukool. Li aan anaalaawu: — Añoolom, sákoli, káyinenaku kooli kufakeni. Anaalaawu li ayaan afak.

Máciya 9:5

Waa uhaŋe másuum elob, kaan hubobahu: «Uhoofooli ubonketibonket» mantee kaanool: «Uyito min ujow?»

Máciya 9:6

Bale, lifañe min ikaanuul min jihaas kaanaku Añool-An lababbaj li etaamaye kayile kata kabonket uhoofoo. Muñeˈe Yéesu li aan anawu abobomuu: — Uyito, uŋa’ bukal̥abu booli min ujow bóot.

Maak 1:32

Muñeˈe li bil liiŋ kátiimaku, banakabu balowe, bukanabuku li kútebul kásomutumuu feh li kan uyinumawu wajakutumuu újufomuu, boot bata Yéesu.

Maak 10:49

Yéesu li ayiten ban li aan bukanabuku: — Jíhooñulool. Mal̥egen bukanabuku li kúhooñul ánayinaawu áfuumumuu min koonool: — Sákoli, uyito, Yéesu lahooñi.

Maak 5:34

Yéesu li aanool: — Añoolom, káyinenaku kooli kufakeni. Ujow li kásuumaay ban li ufak li kásomutaku kooli.

Maak 6:50

mata buko feh kúkolikoli nan kujukoolumuu. Bale Yéesu li ayaan aaniil: — Sákoluul! Laalu ínje. Jijok saaluul!

Hulimahu Hásuumaahu loon Saŋ akiic homuu 16:33

Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.

Hulimahu Hásuumaahu loon Saŋ akiic homuu 2:25

Ban jokutool min kulobool mata an, mata akila humumool lahaase waa wóomi li buyinum bata an.

Hulimahu Hásuumaahu loon Saŋ akiic homuu 21:5

Muñeˈe Yéesu li aaniil: — Kufaalom, jijoojok siwol? Li koonool: — A’aa’.

Bakaanelabu 14:9

Anáyinaawu li alako bajanten kulimaku kan Fool alakomuu elobayi. Muñeˈe Fool li ajukelool súy, li ahaas aan ánayinaawu labaje káyinen kayilo kújiwool li afak.

Bakaanelabu 19:12

Mó lí múji bukanabuku li kunaak kuŋa’ kumusuwaal mantee foof kufalen kata sileesa kagole eniilayi yata Fool, kujow kukaan li kúsontaaku kooliil, li kufak ban uyinumawu wajakutaawu li úfu’ li buko.

Bakaanelabu 23:11

Li líiŋ li ehukaayi yanab tomuu, Amaaŋenawu li áfu’ Fool min aanool: — Sákoli! Lulollob jak múmbaam li ésukayi inye yata Yeelusalem, ban loote ulob foof múmbaam li ésukayi yata Lom.

Kata Lom 5:11

Tíjut tó, lubajaabaj ésuumansuum li Ateemit yabilumulo li Amaaŋenawu oololaal Yéesu Kilisita, ájimuu li ujamoolaal muñeˈe li Ateemit.

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»