Hulimahu Hásuumaahu loon Lík akiic homuu 5:20 - Jola-Kasa

²⁰ Nan Yéesu ajukumuu buu káyinenaku kooli kuluukumuu, li aan ánayinaawu: — Afaalom, uhoofoolawu wooli ubonketibonket.

Hulimahu Hásuumaahu loon Lík akiic homuu 5:20 Referencias Cruzadas

Máciya 9:2

Nan áliiŋumuu, li kúŋalulool an abobowe, ahintowe li bukal̥. Nan Yéesu ajukumuu káyinenaku kooliil, li aan anawu abobomuu: — Sákoli añoolom, uhoofoolawu wooli ubonketibonket.

Máciya 9:5

Waa uhaŋe másuum elob, kaan hubobahu: «Uhoofooli ubonketibonket» mantee kaanool: «Uyito min ujow?»

Maak 2:5

Nan Yéesu ajukumuu káyinenaku kooliil, li aan anawu abobomuu: — Añoolom, uhoofoolawu wooli ubonketibonket.

Hulimahu Hásuumaahu loon Lík akiic homuu 7:48

Ban, Yéesu li aan anaalaawu: — Uhoofoolawu wooli ubonketibonket.

Hulimahu Hásuumaahu loon Saŋ akiic homuu 2:25

Ban jokutool min kulobool mata an, mata akila humumool lahaase waa wóomi li buyinum bata an.

Hulimahu Hásuumaahu loon Saŋ akiic homuu 5:14

Fúlum tó, Yéesu li atook ánayinaawu an afakenumuu, li Eluufayi yata Ateemit, li aanool: — Inti muñeˈe lufake, jakum ulaañen uhoofoo jakum bil wah wahaŋe másengi ubaji.

Bakaanelabu 11:23

Nan áliiŋumuu, li ajuk kájiyaku kata Ateemit li bukanabuku káyinenumuu, li súumool ŋáa’. Li awankuleniil foofiil feh mantee li kútuk lit káyinenaku li Amaaŋenawu.

Bakaanelabu 14:9

Anáyinaawu li alako bajanten kulimaku kan Fool alakomuu elobayi. Muñeˈe Fool li ajukelool súy, li ahaas aan ánayinaawu labaje káyinen kayilo kújiwool li afak.

2 Kata Koolent 2:10

Anoowan an jibonkete wah wan akaane, ínje foof libonketool. Injé ibonketumuu, nokoomuu loon libabbaj wah wan eete ibonket, fan ibonket humum hooluul, hákil Kilisita,

Kata Kolos 3:13

Jinaak jímuñoo, ban an li bukuluul bajumuu wah wan afaalool afete li akila li wo, li jibonketoo, loon Amaaŋenawu abonketuulumuu foof.

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»