Maak 12:40 - Jola-Kasa Li kunaak kubunt kaalaabuku kahokumuu kúyiniil, min kuyab wahawu feh wan kuhine kubajumuu, ban li kunaak kul̥aw fiyo ŋáa’ boot ñajuko. Mó mújimuu, katekaku kooliil fan kubil kuhaŋ másengi feh. |
— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.
«Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jijowejow jiyab wahawu wan kanaalaaku kahokumuu kúyiniil kuhine kubajumuu li siluufasu sooliil. Ban li jinaak jil̥aw fiyo boot ñajuko. Mó mújimuu, katekaku kooluul fan kuhaŋ másengi ŋáa’.
Sinuukayilaase! Bañiil bata sil̥aal̥ak! Buu joote ban di jikaan min jifak li katekaku kata li sambunasu?
«Jilakomuu kal̥aw, jakum jilob kulim kameeŋe kabajut jáliŋ loon kákaanumutumuu li Ateemit balewool kukaanemuu. Kuyinooyinoo li koon kulobumuu kulim kameeŋe, Ateemit fan ajanteniil.
Li kunaak kuman síbahumasu sata kayooŋ, min kubah li siluufasu sata kal̥awaku, li tan haŋumuu majak li kúbaññaatiyaku.
Li kuyab wahawu feh wan kaalaaku kahokumuu kúyiniil kuhine kubajumuu, ban li kunaak kul̥aw fiyo boot ñajuko. Mó mújimuu, Ateemit fan atekiil kútek kásengiye ŋáa’.
Li mal̥egenamu, bukuluul jonsoon éehe’ min bukan kukaanuul emiikeel, min kutiñ wahawu wooluul, min kúkuwet wahawu wooluul feh, min kubesuul, min kutekuul siheejen.
Kukee li buko kunokenenoken li siluufasu, min kubunt kaalaabuku kan káyinenaku kooliil kulitutumuu ban li kumeeŋ uhoofoo, kakatemuu kásiibo kanookan min kubuutiil.