Hulimahu Hásuumaahu loon Lík akiic homuu 20:47 - Jola-Kasa

⁴⁷ Li kuyab wahawu feh wan kaalaaku kahokumuu kúyiniil kuhine kubajumuu, ban li kunaak kul̥aw fiyo boot ñajuko. Mó mújimuu, Ateemit fan atekiil kútek kásengiye ŋáa’.

Hulimahu Hásuumaahu loon Lík akiic homuu 20:47 Referencias Cruzadas

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

Máciya 23:14

«Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jijowejow jiyab wahawu wan kanaalaaku kahokumuu kúyiniil kuhine kubajumuu li siluufasu sooliil. Ban li jinaak jil̥aw fiyo boot ñajuko. Mó mújimuu, katekaku kooluul fan kuhaŋ másengi ŋáa’.

Maak 12:40

Li kunaak kubunt kaalaabuku kahokumuu kúyiniil, min kuyab wahawu feh wan kuhine kubajumuu, ban li kunaak kul̥aw fiyo ŋáa’ boot ñajuko. Mó mújimuu, katekaku kooliil fan kubil kuhaŋ másengi feh.

Hulimahu Hásuumaahu loon Lík akiic homuu 12:1

No unnu, bukan sínjunne li kuwoog, gay li kunaak kúkakuloo. Yéesu li ajand aan kúgoomaku koola: — Jíkaanum élebiilayi yata Kufaaliisiyeŋaku, yaanomuu búhoolowabu booliil.

Hulimahu Hásuumaahu loon Lík akiic homuu 20:46

— Jíkaanum bukanabuku kaliikenumuu ésukayi eluwaayi yata Móyiis, kafañemuu kakaano kúsabadoo min kuñaahoo, ban li kufañ ŋáa’ min bukanabuku kunaak kusaafiil li waayeenawu. Li kunaak kufañ kabah li síbahumasu sata hákil li siluufasu sata kal̥awaku, li kufañ foof kabah li síbahumasu sata hákil li kúbaññaatiyaku.

Hulimahu Hásuumaahu loon Lík akiic homuu 21:1

Muñeˈe Yéesu li agegoo téetiwool, li ajuk bukan kabaje min kuwalenemuu ujuuñakawu wooliil tan ukaaneyimuu li eluufayi yata Ateemit.

1 Kata Tesalonik 2:5

Jihaase joon áloli jilobulelut kulim kata kámammalenuul, ban jibajut kayinoo kata min jíbajum to wah: Ateemit lahaase.

Eleetalayi yan Fool akiicumuu Tit 1:16

Fan koon kuhaase Ateemit, bale bakaanelabu booliil bunaboolut li wahawu wan kulobumuu. Kujakut majak, kútuulut Ateemit maayeet ban kuyilaat kukaan wahoowah wajake.

Saak 3:1

Kutuyom, jakum bukan kameeŋe li bukuluul kulako kuliikena kata Hulimahu. Mata jihaase joon áloli jammuu kuliikena Hulimahu, Ateemit fan bil átiiboli haŋ másengi bukan kaabuku.