Máciya 6:7 - Jola-Kasa

⁷ «Jilakomuu kal̥aw, jakum jilob kulim kameeŋe kabajut jáliŋ loon kákaanumutumuu li Ateemit balewool kukaanemuu. Kuyinooyinoo li koon kulobumuu kulim kameeŋe, Ateemit fan ajanteniil.

Máciya 6:7 Referencias Cruzadas

Máciya 18:17

Ahoyumuu bajanteniil, ulob mo Ejanguwayi. Ahoyumuu foof bajanten Ejanguwayi, ujokool loon an ákaanumut li Ateemit balewool, mantee foof loon an ajakut.

Máciya 26:39

Yéesu li ayinno bo lóyi jakee, li ákuntuŋ min aŋa’ buulool aya li etaam min al̥aw loon muñeˈe: — Faafa, loon kayiliyeenuma, li úloyiyen ejunkayi inyu yata sílaamasu téetiwom. Bale jakum kaan loon ínje ifañumuu, bale loon awu ufañumuu.

Máciya 26:42

Yéesu li alaañen búl̥ubut ayinno bo min al̥aw aan: — Faafa, kaanumuu loon ejunkayi inyu yata sílaamasu eyilaat éloyiyom ínje bahobut yo, jow kaan loon awu ufañumuu.

Máciya 26:44

Li alaañen akatiil to min ayinno bo áliiŋ, li alaañen búhaajut ál̥awum li kulimaku kanolaku.

Máciya 6:32

Mata kákaanumutumuu li Ateemit balewool, buko kuyinoolemuu mata wahawu unwu feh. Bale Atuubawuul ata haatiya lahaase aan, wahawu unwu feh jifañ wo.

Bakaanelabu 19:34

Bale nan kuhaasumuu koon Alekusandul asuwif, buko foofiil feh li kulob butiya li mano kulimaku kanolaku jow yili baj siwaatu síl̥uba koon: — Alitemis ammuu ateemitawu áamakawu ata kata Efées!