Maak 12:14 - Jola-Kasa

Mal̥egen li kujow kúliiŋ, li koon Yéesu: — Anahaan, jihaase joon awu an alobe mal̥egen, ban úkoliwut anoowan mata újukeleliit li buul. Ban luliikeneliiken bukanabuku li mal̥egen buu kommuu li kunaak kuloŋ loon Ateemit afañumuu. Ulóboli, mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’? Mantee lootaale usenaal búhalabu, mantee ootutaal usenaal bo?

Maak 12:14 Referencias Cruzadas

Máciya 22:16

Li kúboñul kúgoomaku kooliil li bukanabuku kata hujojahu hata Elod kujow koon Yéesu: — Anahaan, jihaase joon awu an alobe mal̥egen. Ban luliikeneliiken bukanabuku li mal̥egen buu kommuu kunaak kuloŋ loon Ateemit afañumuu. Ukóliwut anoowan, mata újukeleliit li buul.

Máciya 22:17

Muñeˈe kama úloboli buu luyinoole. Mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’?

Maak 12:13

Muñeˈe li kúboñul kukee li Kufaaliisiyeŋaku bata Yéesu, kujow kugel̥l̥enool hulim mantee li álobul, li kújokumool tó.

Maak 12:15

Bale emmuu Yéesu lahaase búhoolowabu booliil, li aaniil: — Wáa újiye li jóomi li jabuutoolom? Jíŋalulom sídalamasu saŋaleyimuu min hal ijuk.

Maak 14:45

Muñeˈe nan Sudaas ayaane áliiŋulumuu, li ajow boot tan Yéesu alakomuu áliiŋ li aanool: — Anahaan! Ban li agaabool.

Hulimahu Hásuumaahu loon Lík akiic homuu 20:22

Muñeˈe kama úloboli, mantee Eluwaayi yata Móyiis yonsoon lootaale uhalaal búhalabu bahaleyimuu áyiiyawu áamakawu Sesaal, mantee a’aa’?

Hulimahu Hásuumaahu loon Lík akiic homuu 23:2

Nan kúliiŋumuu, li kútoŋ kúmal kukaan Yéesu koon: — Jitootook ánayinaawu umme okila li kakaan ésukayi égugguloo. Laaniisaan jakum kuhal báhalabu bata áyiiyawu áamakawu, ban li aan okila humumool ammuu Afakenaawu, áyiiyawu ooliil.

Hulimahu Hásuumaahu loon Saŋ akiic homuu 7:18

An álobummuu li kajaw koola akila humumool, kasaloolo laŋese. Bale an aŋesumuu kasal kata anawu áboñuloolumuu, anawu ummu an ata mal̥egen, ban búhoolo bulet li akila.

Kata Lom 13:6

Wahawu unwu újimuu foof li jinaak jihal. Li mal̥egenamu, bukanabuku kayabemuu búhalabu kuloka koom kata Ateemit boot kakaan bulokabu umbu.

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

2 Kata Koolent 2:2

Nokoomuu loon li mal̥egen ínje líjiwuuji li jibaj buyina, ayimaa aate kama ayili akaanom ibaj ésuumansuum, ábuti li bukuluul jan ikaanumuu buyina?

2 Kata Koolent 4:1

Ateemit li másuumamu moola lásenumolimuu bulokabu umbu. Wahawu unwu újimuu áloli let jíyeko.

2 Kata Koolent 5:11

Alóli jihaase waa wommuu kákoli Amaaŋenawu, ban jumbuku li huŋes min jikaan bukanabuku min kútiiwo boot boola. Ateemit akila láhaasoli jak, ban lenseen bukuluul foof jihaasom jak li uyinumuul.

2 Kata Koolent 5:16

Mó mújimuu, muñeˈe áloli let jíhaasum an li bóono bata ál̥ahukowan. Maayeet min kite eenimuu no, li bóono bata ál̥ahukowan áloli jíhaasume Kilisita, bale muñeˈe let jíhaasumool loon muñaˈa.

Kata Galasi 1:10

Muñeˈe buu jiyinoole? Mantee ínje huŋes léemi li ho min bukanabuku kusalom, mantee min Ateemit asalom? Mantee huŋes léemi li ho min ikaan bukanabuku súumiil? Nokoomuu loon ínje liloŋe li iŋes min ikaan bukanabuku súumiil, kama ilet aloka ata Kilisita.

Kata Galasi 2:6

Bale mata kunahaanabuku umbuku kajokimuu loon bukan káamak — ban wahawu wan kulako nomuu, inti wo ubaje jáliŋ, mata Ateemit ájukeleliit li buul — bukanabuku umbuku kutuuŋutom ikaan wah ukee.

1 Kata Tesalonik 2:4

Bale loon Ateemit áyoobolimuu ban li ajuk kaanaku jitottook min ákatoli min jiwaale Hulimahu Hásuumaahu, mo foof jiwaale homuu loon afañumuu. Jiŋesut kakaan bukanabuku súumiil, bale kakaan Ateemit súumool, ahaasumuu wahawu wammuu li kúkowolaal.