2 Kata Koolent 4:1 - Jola-Kasa

¹ Ateemit li másuumamu moola lásenumolimuu bulokabu umbu. Wahawu unwu újimuu áloli let jíyeko.

2 Kata Koolent 4:1 Referencias Cruzadas

Hulimahu Hásuumaahu loon Lík akiic homuu 18:1

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

1 Kata Koolent 3:5

Kama Afolos waa laam? Fool waa laam? Alóli kuloka bale joom kata Ateemit, kájiwuulumuu li jíyinen li Kilisita. Anoowan li áloli lakankaan bulokabu ban Amaaŋenawu asenoolumuu kakaan.

1 Kata Koolent 7:25

Muñeˈe mata bukanabuku kayabutumuu mantee foof kayabowutumuu, ibajut hulim háfulumulo li Amaaŋenawu han éemi li isenuul. Bale boot min ihin isen kayinoolom, ínje jan káyiyenaku kata Amaaŋenawu kújimuu léemi an an joote jíkangum li akila.

2 Kata Koolent 3:12

Kákangumaku unku kan jibajumuu kújiwoliji li jilob li bukanabuku li káwoolu káamak ló.

2 Kata Koolent 3:6

Okila ákaanolimuu min jiyili jilako kuloka kata húfaalumahu huwunkulahu. Húfaalumahu unhu hubilumut li eluwaayi yakiicimuu, bale li Buyinumabu Banabaabu hubilumulo. Li mal̥egenamu, eluwaayi yakiicimuu emukemuk, bale Buyinumabu Banabaabu busenesen buloŋ.

2 Kata Koolent 4:16

Wahawu unwu újimuu jakum úyekowaal. Ban maayeet min eniilayi yoololaal yommuu li kakajen, bale kata láalawolaal ummu min wunkulowemuu hunakoohunak.

2 Kata Koolent 5:18

Wahoowah feh li Ateemit ubilumulo. Okila akaanumuu min ubajaal hujamool li akila humum hata Kilisita, ban li asenolaal bulok bata kakaan bukanabuku min kajamoo li akila.

Kata Galasi 6:9

Jakum ukataal kakaan majake; mata ukatutaalumuu kakaan majake, nan hunakahu hommuu li húliiŋ, fan ubajaal kúwaagen kajake.

Kata Efées 3:13

Mó mújimuu, ínje ummu li kaanuul jakum jíyeko mata min emmee li sílaam boot li bukuluul. Sílaamasu unsu so sommuu máyiineniyamu mooluul.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

2 Kata Tesalonik 3:13

Kutuyom, bukuluul jakum jikat kakaan majake.

1 Tímote 1:13

maayeet min ilob nomuu kulim kajakut iya li akila, li ílaamenool ban li ikaanool majakut. Bale Ateemit láyiyenonyiyen mata ibajeenut káyinen li akila, ban ihaasut wahawu wan ilakomuu kakaan.

Eébulo 12:3

Jiyinoo sílaamasu san Yéesu ámuñumuu li kuŋen kata kuhoofoolaabuku, jakum bil jiyok min jíyeko.

1 Fiyeel 2:10

Naanaŋ, bukuluul jilakowut bukanabuku kata Ateemit, bale muñeˈe bukan koola joom. Naanaŋ káyiyenaku kata Ateemit kulakowut li bukuluul, bale muñeˈe Ateemit láyiyenuuyiyen.

Búhiisenumabu 2:3

Luyiliyili húmuñ. Lúlallaam ŋáa’ mata ínje íji, ban úyekowut.