Hulimahu Hásuumaahu loon Lík akiic homuu 17:2 - Jola-Kasa Anawu ummu kóyumool min kukok kaneew li enuy kul̥oofool li ekondo’, ban li kuŋalool kujow kubeten li hal min akeel ló, akila bájiye akee li umbuku kakitemuu li kúyinen, li alo li kahoofoo. |
Bale awu ujow ubet kabuut li húwajahu. Jiwolaju játinaalaju jan ommuu újokul, li úŋaabul butumabu bata jo. Fan ujuk ló édalam yafame boot li búhalabu boolola bata Eluufayi yata Ateemit. Uŋa’ yo useniil, lako búhalabu boolola kúl̥uba jakum bil ufetaal li buko.
— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.
Mo foof Atuubawuul ammuu haatiya afañutumuu maayeet min akee li bukanabuku umbuku, kan káyinenaku kooliil lí ínje kulitutumuu, ájim.
Añool-An fan aket loon Bakiicelabu bulobumuu buya li akila. Bale katek kujow kulako li anawu ammuu li abetool li kuŋen bukan. Haŋeene majak jakum anawu ummu abuki.
Yéesu li afamen aan: — An ájimuu akee li umbuku kakitemuu li kúyinen lí ínje, li alo li kahoofoo, anawu ummu kóyumool min kukok kaneew li enuy kul̥oofool li ekondo’, ban li kuŋalool kujow kubeten li halahu.
Nan kutiñumuu kuban, Yéesu li aan Simoŋ Fiyeel: — Simoŋ, awu ata Saŋ, mantee lufañonfañ haŋ min kufaali umbuke kufañommuu? Simoŋ li aanool: — Eéhe’ Amaaŋen, luhaase oon lifañifañ. Yéesu li aanool: — Ucookoo kúgalalaanaku kúmbaam.
Liyiliyeene ikaan mo, bale ikaanut mo, ban ikiiculoot kulimaku unke mantee li íbajum tó wah ukee. Haŋe majak kama min iket! Bale an let abot lí ínje wahawu unwu wájiwommuu li ibaj kasal.
Ilakomuu li bukan kágootowe, fan iloŋ loon eenimuu ínje humumom lígootogooto, mantee li íŋalul kágootomuu boot li Yéesu Kilisita. Mó mújimuu likaanoolokaanoolo ilako wahawu feh boot li bukanabuku feh, mantee manooman li ifaken kukee li buko.