Hulimahu Hásuumaahu loon Saŋ akiic homuu 21:15 - Jola-Kasa

¹⁵ Nan kutiñumuu kuban, Yéesu li aan Simoŋ Fiyeel: — Simoŋ, awu ata Saŋ, mantee lufañonfañ haŋ min kufaali umbuke kufañommuu? Simoŋ li aanool: — Eéhe’ Amaaŋen, luhaase oon lifañifañ. Yéesu li aanool: — Ucookoo kúgalalaanaku kúmbaam.

Hulimahu Hásuumaahu loon Saŋ akiic homuu 21:15 Referencias Cruzadas

Máciya 10:37

«An afañumuu atuubawool mantee jaawool haŋ min afañommuu, áliiŋut min aani úmbaam. An li abil afañ añoolool áyine mantee añoolool aale haŋ min afañommuu, áliiŋut min aani úmbaam.

Máciya 16:17

Yéesu li aanool: — Awólo Simoŋ, añiil ata Sonaas, mata inti an áhiisi wahawu unwu, bale Atuubawom ammuu haatiya.

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 26:33

Fiyeel li aanool: — Manoo kaabuku feh kukat bo káyinenaku kan kubajumuu li awu, ínje let ikaan mo.

Máciya 26:35

Fiyeel li aan Yéesu: — Maayeet min eete iket inaboo li awu, bale let iceeŋ een lihaasihaas. Kúgoomaku feh li kulob manolamu.

Maak 14:29

Fiyeel li aanool: — Manoo kaabuku feh kukat bo káyinenaku kan kubajumuu li awu, ínje let ikaan mo.

Hulimahu Hásuumaahu loon Lík akiic homuu 12:32

— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.

Hulimahu Hásuumaahu loon Lík akiic homuu 22:32

Bale lil̥awul̥aw boot li awu jakum bil ukat káyinen lí ínje. Bale nan ommuu úlaañul búmba, uliten káyinenaku kata kutuyi.

Hulimahu Hásuumaahu loon Saŋ akiic homuu 1:42

Muñeˈe Andele li ájowetum Simoŋ bata Yéesu. Kúliiŋ, Yéesu li ajukelool ban li aan: — Awu ommuu Simoŋ, añiilawu ata Saŋ. Fan kuhooñi kajawaku kaaneyimuu Sefaas (Yo yommuu «Fiyeel»).

Hulimahu Hásuumaahu loon Saŋ akiic homuu 13:37

Fiyeel li aanool: — Anahaan, kama wáa újiye iyilaat inab li awu muñeˈe? Tan emmee liyilo iket humum hooli.

Hulimahu Hásuumaahu loon Saŋ akiic homuu 16:27

Mata Atuubaawu humumool lafañuufañ, mata min jifañommuu, ban li jíyinen kaanaku li Ateemit lífulumulo.

Hulimahu Hásuumaahu loon Saŋ akiic homuu 21:12

Yéesu li aaniil: — Jibil jitiñ. Anoowan li kúgoomaku akaañenut agel̥l̥enool aanool: «Kama awu ommuu ayi?», mata kuhaase koon okila ammuu Amaaŋenawu.

Hulimahu Hásuumaahu loon Saŋ akiic homuu 21:7

Agóomawu an Yéesu aboolaatumuu li aan Fiyeel: — Laalu Amaaŋenawu! Nan Simoŋ Fiyeel ajamumuu kaanaku laalu Amaaŋenawu, li akaano wañawu woola mata akokoweenut, ban li afum alo li malamu.

Hulimahu Hásuumaahu loon Saŋ akiic homuu 8:42

Yéesu li aaniil: — Ateemit aameenumuu li mal̥egen Atuubawuul, faneen jifañom, mata li Ateemit libilumulo, ban akila léemum taate. Ibilumut li kajawom humum ko, bale akila áboñulom.

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Bakaanelabu 20:29

Lihaase een nan emmuu li ijow, bukan kanokoole li sijangibujal sál̥afute, fan kubil kulako li bukuluul ban let kukat to bumatabu.

Kata Lom 14:1

Jiyab an ágootowe li káyinenaku koola, ban jakum jinaak jiwatatenool humum hata wah wan ayinoole li aan ujaajak mantee foof ujakut.

Kata Lom 15:1

Alolaal jabajaalumuu sembe li káyinenaku, lootaale ulambenaal kágootomuu li káyinenaku. Jakum uŋesaal wahawu wásuumolaamuu bale.

1 Kata Koolent 8:11

Kaanumuu loon muñaˈa, atuyi ummu an káyinenaku koola kulitutumuu, «kahaasemiñaku» kooli li kújiwool li ájim, ban Kilisita lakeeket boot li akila.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

Kata Efées 6:24

Ateemit ásooniyen bukanabuku feh káboolimuu Amaaŋenawu oololaal Yéesu Kilisita, húbooli hayilaat huban.

Eébulo 13:20

Ateemit ata kásuumaay, layitenuuyitenul Amaaŋenawu hata boot nanoonan.

Eébulo 4:13

Bajut búwuwenum ban Ateemit ayilaat ajuk. Wahawu feh úhimulohimulo ban li uweeteni hákilool, ban anoowan li alolaal fan abil alob asenool mata wahawu feh wan akaanumuu.

1 Fiyeel 1:8

Yéesu Kilisita an jíboolimuu bukuluul bajukutool, li jíyinen li akila maayeet min jijukolutoomuu, okila ájimuu li jibaj ésuumansuum yan an ayilaat alob mata yo, ban li éyiineni,

1 Fiyeel 2:2

Jifañ miilamu masetaamu mata Hulimahu hata Ateemit, loon bañiil bakite li bubuki, bájum li jihob mo li jank min jifak,

1 Fiyeel 2:25

Li mal̥egenamu, bukuluul jinokooleenokoo loon kúgalalaan kájime, bale muñeˈe jílaañulo boot bata amataawu ooluul afooyemuu li bukuluul.

1 Saŋ 4:19

Alolaal lúbooliyaabooli mata Ateemit ajande ábooliwolaal.

1 Saŋ 5:1

An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.

Búhiisenumabu 2:23

Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.