Máciya 18:14 - Jola-Kasa

¹⁴ Mo foof Atuubawuul ammuu haatiya afañutumuu maayeet min akee li bukanabuku umbuku, kan káyinenaku kooliil lí ínje kulitutumuu, ájim.

Máciya 18:14 Referencias Cruzadas

Máciya 18:13

Li mal̥egenamu fan ilobuul, nan ammuu li ajuk ho, fan abaj ésuumahukow li húgalalaanahu unhu haŋ kúgalalaanaku kúyii kubakii li kaat li kubakiilaku kájimutumuu.

Máciya 18:15

— Nokoomuu loon an an jibaje káyinen kano atile li awu, ujow ujukool min ulobool mo bukuluul balewuul. Ajantenimuu, li jilaañ jijamoo.

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Máciya 6:32

Mata kákaanumutumuu li Ateemit balewool, buko kuyinoolemuu mata wahawu unwu feh. Bale Atuubawuul ata haatiya lahaase aan, wahawu unwu feh jifañ wo.

Máciya 6:9

— Muñeˈe jóotimuu jinaak jil̥aw eeno: «Atúubawoli ammuu haatiya, kajawi kúkaanumi.

Hulimahu Hásuumaahu loon Lík akiic homuu 12:32

— Sákoluul, bukuluul jammuu bumat batit! Mata Atuubawuul súumoosuum min asenuul Jáyiiyaju joola.

Hulimahu Hásuumaahu loon Saŋ akiic homuu 17:12

Nan ilakomuu li buko, li sembaasu sata kajawaku kooli lífooyumiil, kajawaku kan usenommuu. Lifooyiifooy, ban bajut an li buko ájime. Anawu afimmuu min áatiye ájim, akila bale ájimumuu, min kaan loon Bakiicelabu bulobumuu.

Hulimahu Hásuumaahu loon Saŋ akiic homuu 21:15

Nan kutiñumuu kuban, Yéesu li aan Simoŋ Fiyeel: — Simoŋ, awu ata Saŋ, mantee lufañonfañ haŋ min kufaali umbuke kufañommuu? Simoŋ li aanool: — Eéhe’ Amaaŋen, luhaase oon lifañifañ. Yéesu li aanool: — Ucookoo kúgalalaanaku kúmbaam.

2 Tímote 2:10

Wahawu unwu újimuu li imunten wahawu feh, boot majakaamu mata bukanabuku kan Ateemit al̥usumuu, mantee buko humumiil foof li kubaj kafakaku kammuu li Kilisita Yéesu, li máyiineniyamu maano tomuu boot nanoonan.

Eébulo 12:13

Jikaan útin wacole boot li kootaku kooluul, jakum bil anawu akajumuu ahaŋ makaj, bale min alako jak.

2 Fiyeel 3:9

Amaaŋenawu let fiyo ákaanum wahawu wan alobumuu kakaan, maayeet min kukee kuyinoomuu li koon láyoocenyoocen. Labebembeben li bukuluul, mata afañut min an ájim, bale lafañe min bukanabuku feh kuyili kubet búsol buloŋabu booliil bajakutumuu.