Maak 9:42 - Jola-Kasa

⁴² Yéesu li afamen aan: — An ájimuu akee li umbuku kakitemuu li kúyinen lí ínje, li alo li kahoofoo, anawu ummu kóyumool min kukok kaneew li enuy kul̥oofool li ekondo’, ban li kuŋalool kujow kubeten li halahu.

Maak 9:42 Referencias Cruzadas

Máciya 17:27

Bale awu ujow ubet kabuut li húwajahu. Jiwolaju játinaalaju jan ommuu újokul, li úŋaabul butumabu bata jo. Fan ujuk ló édalam yafame boot li búhalabu boolola bata Eluufayi yata Ateemit. Uŋa’ yo useniil, lako búhalabu boolola kúl̥uba jakum bil ufetaal li buko.

Máciya 18:10

— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.

Máciya 18:6

— An ájimuu akee li umbuku kakitemuu li kúyinen lí ínje, li alo li kahoofoo, anawu ummu kóyumool buko baŋale kaneew kukok li enuy kul̥oofool li ekondo’, ban li kuŋalool kubeten li hal min akeel ló.

Bakaanelabu 9:4

Li alo teetaam. Li ajam hulim hanaake hoonool: — Sóol, Sóol, wáa újiye lí óomi li jálaatenom?

Kata Lom 14:13

Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.

Kata Lom 15:21

min nab li hulimahu han Bakiicelabu bulobumuu: «Bukanabuku kan kulobutumuu moola, fan kujukool, ban bukanabuku kajamutumuu li kulob moola, fan kúnaanum.»

Kata Lom 16:17

Kutuyom, ínje ummu li kal̥awuul min jíkaanum bukanabuku kájiyemuu bugiiloo li bubaj li bukuluul, ban li kunaak kuceeŋ kulimaku kan kuliikenewuulumuu min kújimen bukanabuku káyinenumuu li Kilisita. Jíloyiyiil.

2 Kata Koolent 6:3

Alóli jifañut min jíji an li ajonten min alo li kahoofoo, jakum bil an ayili alob majakut aya li bulokabu bóololi.

Kata Fílib 1:10

mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul.

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

2 Fiyeel 2:2

Bukan kameeŋe fan kunab li bakaanelabu booliil basuuneniyaabu, ban bakaanelabu booliil fan búji bukanabuku li kulob kulim kajakut kuya li bútinabu bata mal̥egenamu.