Bajutumuu an li eluuf mantee li ésuk ayabuul, mantee foof an ajantene kulimaku kooluul, jihank kafolaku kata kootaku kooluul, min jífu’ li eluufayi inyu mantee foof li ésukayi inyu.
Hulimahu Hásuumaahu loon Lík akiic homuu 10:11 - Jola-Kasa «Jihanhankumee kafolaku kata ésukayi yooluul, kakotumee li kóotoli kúlaañul booluul. Bale, joote jihaas joon Jáyiiyaju jata Ateemit jíkoojulo.» |
Bajutumuu an li eluuf mantee li ésuk ayabuul, mantee foof an ajantene kulimaku kooluul, jihank kafolaku kata kootaku kooluul, min jífu’ li eluufayi inyu mantee foof li ésukayi inyu.
— Jikat kahoofoo, min jítiiwo jiŋa’ buloŋ buwunkul, mata Jáyiiyaju jata Ateemit jíkoojulo!
Li bil nokoo loon tin jijeˈe jíliiŋ, bukanabuku kata to li kuhoy kuyabuul, mantee foof li kuhoy kujantenuul, jilakomuu li jífu’ to li jihank kafolaku kata kootaku kooluul: fan lako búhiisenum boot li buko.
Bale jinokenumuu li ésuk, bukanabuku kata ló li kuhoy kuyabuul, jijow li útinawu wata ésukayi ban li joon:
Jifaken kásomutumuu li ésukayi inyu, ban li joon bukanabuku kakin dómuu: «Jáyiiyaju jata Ateemit jíkoojuluul.»
Li bil nokoo loon ban jijowe bukanabuku li kuhoy kuyabuul, jífu’ li ésukayi inyu, ban li jihank kafolaku kata kootaku kooluul min híisiil kaanaku kukaanut jak.
«Kutuyom, bukuluul jammuu bubukoolumabu bata Abulaham, li bukuluul jamanenemuu Ateemit: alolaal Ateemit áboñulomuu Hulimahu unhu hata kafakaku.
Muñeˈe Fool buko li Balunabaas li kulobiil li kabaneyiil kooniil: — Hulimahu hata Ateemit bukuluul hooteenimuu hujandi lob. Bale emmuu jihoohoy ho, ban li jijok kaanaku jitookut min jiyab buloŋabu bábaneliitumuu, muñeˈe kama áloli boot min jítiiwo boot bata bukanabuku kákaanumutumuu li Ateemit balewool.
Fool li Balunabaas li kuhank buko kúl̥uba kafolaku kata kootaku kooliil min kúhiis kaanaku ésukayi inyu éjimumuu inti li buko bilumulo, ban li kujow boot Ikóniyom.
Ateemit li alob aya li Isilayeel aan: «Etihunakaayi feh fan ilaaw kuŋenom ijooŋoo li bukan kátuulutom, bukan kabetom búsol, manteyeen li jijamoo.»
Kama Bakiicelabu buu bulobe? Bonsoon: «Hulimahu hata Ateemit hunhu téetiyi, hunhu li butumabu booli, hunhu foof li buyinumabu buya.» Hulimahu unhu ho hommuu hata káyinenaku kan uwaaleyaalemuu.
Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.