Máciya 3:2 - Jola-Kasa

² — Jikat kahoofoo, min jítiiwo jiŋa’ buloŋ buwunkul, mata Jáyiiyaju jata Ateemit jíkoojulo!

Máciya 3:2 Referencias Cruzadas

Máciya 10:7

Jilakomuu ejowayi li jinaak jiwaale joon: «Jáyiiyaju jata Ateemit jíkoojulo!»

Máciya 11:20

Muñeˈe Yéesu li átoŋ awataten sísukasu dán ahaŋumuu makaan wah wájaahaleniye wameeŋe, mata bukanabuku kakin dómuu kubetut búsol buloŋiil buhaan min kuloŋ loon Ateemit afañumuu. Li aan:

Máciya 12:41

Li Hunakahu hata Batiibabu, bukanabuku kata ésukayi yata Niniib fan kuyito hákil bukanabuku kata muñeˈe min kulob buu kata muñeˈe kuhoofoomuu eeno. Mata kata Niniib, nan Sonaas awaaleyiilumuu hulimahu hata Ateemit, kubeebet búsol buloŋabu booliil buhaanabu, min kuloŋ loon Ateemit afañumuu. Ban baje taate wah wahaŋe Sonaas.

Máciya 13:11

Yéesu li aaniil: — Mata bukuluul, Ateemit lakaanuukaan min jihaas wahawu wahaasutimuu wata Jáyiiyaju jata haatiya. Bale umbuku áhiisutiil wo.

Máciya 13:24

Yéesu li alaañen alobiil bukittenoolum bakee aaniil: — Jáyiiyaju jata Ateemit jinokoonokoo li an abete sígul sajake, li kal̥aakaku koola.

Máciya 13:31

Yéesu li alaañen aseniil bukittenoolum bakee. Li aaniil: — Jáyiiyaju jata Ateemit jinokoonokoo li ekool yata anuunuken an koone mutaad, yan an ajowe al̥uk li bul̥ibabu boola.

Máciya 13:33

Yéesu li alaañen alobiil bukittenoolum bakee aaniil: — Jáyiiyaju jata Ateemit jinokoonokoo li élebiil yan anaale aŋale ágiiwoo li kukiib kúhaaji kata efo’ min asiiw, boot yok nan basiiwelabu búkaakumuu foof bo feh.

Máciya 13:47

— Jáyiiyaju jata Ateemit jinokoonokoo foof loon embaal yan kumbaala kubetene li husamu, min éjokul jíwoloojiwol.

Máciya 13:52

Muñeˈe Yéesu li aaniil: — Mó mújimuu, anoowan aliikene bukanabuku eluwaayi yata Móyiis, abile alako ágoom ata Jáyiiyaju jata Ateemit, lanokoonokoo li anahaan ata eluuf, áfulenulo li ebajayi yoola, wah wawunkul li foof wah wahaan.

Máciya 18:23

Mó mújimuu, Jáyiiyaju jata haatiya jiyilo jikittenooli li áyii afañe ayoob min ahaas butumbuu anoowan li kulokaabuku koola kaakumuu ebajayi yoola, aakool.

Máciya 20:1

— Jáyiiyaju jata Ateemit jinokoonokoo li an ata etaam, áfule li bújom bíb ajow huŋes kuloka boot li bul̥ibabu boola bata úbiiñ.

Máciya 22:2

— Jáyiiyaju jata Ateemit jinokoonokoo li áyii alake sinaaŋ sata búyabo añoolool áyine.

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

Máciya 25:1

— No unnu, Jáyiiyaju jata Ateemit fan jikittenoolumi li básungute kuŋen, kaŋale sihiitumasu sooliil min kúfu’ boot kayallo ábutowaawu.

Máciya 25:14

— Jáyiiyaju jata Ateemit fan jikittenoolumi li ánayine alakowe li ajow kañaahoo, li áhooñul kulokaabuku koola, min aŋa’ ebajayi yoola aseniil kookenool.

Máciya 4:17

Yan no unnu, Yéesu li átoŋ awaale aan: — Jikat uhoofoolawu wooluul, min jiŋa’ buloŋ buwunkul; mata Jáyiiyaju jata Ateemit jíkoojulo!

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 5:10

Awólo, kan kúlaatenemuu mata kulolloŋ buloŋ bacole hákil Ateemit, mata Jáyiiyaju jata Ateemit jooliil.

Máciya 5:3

— Awólo, kahaasumuu koon káyinenaku kooliil kutitititi hákil Ateemit, mata Jáyiiyaju jata Ateemit jooliil.

Máciya 6:10

Jáyiiyaju jiya jibil. Húfañumahu huya ubaj li etaamayi loon haatiya.

Máciya 6:33

Jijand jiyinoo mata Jáyiiyaju jata Ateemit ban li jiloŋ loon afañumuu, wah waawu feh fan asenuul wo afamen to.

Maak 1:15

Yéesu li anaak aan: — Taŋayi éliiŋe, ban Jáyiiyaju jata Ateemit jíkoojulo. Jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíyinen li Hulimahu Hásuumaahu.

Maak 1:4

Muñeˈe Saŋ Batiis li áfulul alako li kayiinaayaku. Li anaak awaale bukanabuku aaniil: — Joote jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíbatiiseyi mantee Ateemit li abonketuul uhoofoolawu wooluul.

Maak 6:12

Mal̥egen kufootalaku li kujow kuwaale bukanabuku kaanaku koote kubet búsol buloŋelabu booliil buhaanabu min kuŋa’ buloŋ buwunkul.

Hulimahu Hásuumaahu loon Lík akiic homuu 1:16

Fan álaañenul kuñiil kameeŋe kata Isilayeel boot bata Amaaŋenawu Ateemit ooliil.

Hulimahu Hásuumaahu loon Lík akiic homuu 11:20

Bale nokoomuu loon li sembaasu sata Ateemit líkesoolume uyinumawu wajakutumuu, kama Jáyiiyaju jata Ateemit jíliiŋulo booluul.

Hulimahu Hásuumaahu loon Lík akiic homuu 13:3

Maayeet! Bale fan ilobuul, jibetutumuu búsol buloŋabu booluul bahaanabu min jítiiwo jiŋa’ buloŋ buwunkul, fan jiket foofuul feh loon buko.

Hulimahu Hásuumaahu loon Lík akiic homuu 13:5

Maayeet! Bale fan ilobuul, jibetutumuu búsol buloŋabu booluul bahaanabu min jítiiwo jiŋa’ buloŋ bawunkul, fan jiket foofuul feh loon buko.

Hulimahu Hásuumaahu loon Lík akiic homuu 15:10

Boot ilobuul, li manolamu, fan baj ésuumansuum li kumalakaaku kata Ateemit, ahoofoola ano bátiiwoye aŋa’ buloŋ buwunkul.

Hulimahu Hásuumaahu loon Lík akiic homuu 15:7

Boot ilobuul, li manolamu, fan bil baj ésuumansuum yáamak li emitayi, ahoofoola ano bátiiwoye aŋa’ buloŋ buwunkul. Esúumansuumayi inyu fan ehaŋ yammuu li ebaj, mata bukan kúyii kubakii li kaat li kubakii kacole, kan jokut min kútiiwo kuŋa’ buloŋ buwunkul.

Hulimahu Hásuumaahu loon Lík akiic homuu 16:30

Anáyinaawu abajumuu li aan: «Faafa Abulaham, wahawu unwu bale ufitut. Nokoomuu loon an li kaketumuu ajowe alobiil, fan kubet búsol buloŋiil buhaan bajakutumuu min kútiiwo kuŋa’ buloŋ buwunkul.»

Hulimahu Hásuumaahu loon Lík akiic homuu 21:31

Li manolamu, bukuluul foof nan jommuu li jijuk wahawu unwu li ubaj, li jihaas joon Jáyiiyaju jata Ateemit jíkoojulo.

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Lík akiic homuu 6:20

Yéesu li ajuke kúgoomaku koola ban li aan: — Awólo bukuluul jagayimuu, mata Jáyiiyaju jata Ateemit jooluul.

Hulimahu Hásuumaahu loon Lík akiic homuu 9:2

Fúlum tó, li aboñiil kujow kawaale Jáyiiyaju jata Ateemit, min kufaken kásomutumuu.

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 17:30

Bale Ateemit li ajok min akat bo taŋayi nan bukanabuku kuhaasutumuu wahoowah. Muñeˈe Ateemit laane bukanabuku feh kammuu tanootan kukat baloŋeliil buhaan, min kútiiwo kuŋa’ buloŋ buwunkul.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 20:21

Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 26:20

Bale lijanjand iwaale bukanabuku kata Damaas li kata Yeelusalem, fú’ tó li iwaale bukanabuku kata etaamayi feh yata Súde, li bukanabuku feh kákaanumutumuu li Ateemit balewool min eeniil kukat baloŋelabu booliil buhaanabu, min kútiiwo kunab li Ateemit ban li kúhiis li bakaaneliil kaanaku mal̥egen buloŋ buwunkul kooke.

Bakaanelabu 3:19

Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

2 Kata Koolent 7:10

Li mal̥egenamu, buyina banaboole li húnongumahu hata Ateemit, bukaanekaan buloŋ bata an min búbuti, min jíwool li afak, ban an let ajok li ehaaseen. Bale buyina babilumulo li bakaanelabu bata adunaayi, bumukemuk.

Kata Kolos 1:13

Li mal̥egenamu, labotumulolaabot li sembaasu sata élimayi, min ájowetumolaal li Jáyiiyaju jata Añoolool an aboolaatumuu.

2 Tímote 2:25

Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu;

Eébulo 6:1

Wahawu unwu újimuu lootaale ukataal bo wahawu útinaalawu wan uliikenaalumuu mata Kilisita, min útiiwowaal uliikenaal wah wata kunahaan, ban jakum úlaañulaal li wahawu wakilumuu huhaalahu hata baliikenelabu umbu, wammuu: kabet búsol bakaane bajakut, min útiiwo úyinen li Ateemit,

2 Fiyeel 3:9

Amaaŋenawu let fiyo ákaanum wahawu wan alobumuu kakaan, maayeet min kukee kuyinoomuu li koon láyoocenyoocen. Labebembeben li bukuluul, mata afañut min an ájim, bale lafañe min bukanabuku feh kuyili kubet búsol buloŋabu booliil bajakutumuu.

Búhiisenumabu 2:21

Liseneenoosen taŋ mantee li átiiwo aŋa’ buloŋ buwunkul, bale afañut min akat húfulowahu han áfulowe bomuu muñaˈa.

Búhiisenumabu 2:5

Uwayil̥o tay lúlowumulomuu. Utíiwo uŋa’ buloŋ buwunkul, ban li uloŋ loon lunaake uloŋ nomuu nan úyinenumuu lí ínje bútinaa. Utíiwowutumuu uŋa’ buloŋ buwunkul, fan ibil boot li awu, ban fan ífulen ehiitumayi yooli tan elakowemuu.