Máciya 3:1 - Jola-Kasa

¹ Li baj simit, ánayine akee an koone Saŋ Batiis li abil alako li kayiinaayaku kata etaamayi yata Súde, min anaak awaale bo aan:

Máciya 3:1 Referencias Cruzadas

Máciya 11:11

«Li mal̥egenamu fan ilobuul, bajut an, an anaale abuke ahaŋe Saŋ Batiis. Bale anawu ahaŋumuu feh matiti li Jáyiiyaju jata Ateemit, lahaŋe Saŋ.

Máciya 11:7

Muñeˈe nan kúgoomaku kata Saŋ kulakomuu elaañayi, Yéesu li átoŋ alob búsukabu mata Saŋ aaniil: — Waa jijowe jijukul li kayiinaayaku? Waa, kacaac kan élusayi élinliŋene? A’aa’!

Máciya 16:14

Kúgoomaku koola li koonool: — Kukee koone akila ammuu Saŋ Batiis. Kaabuku li koon akila ammuu Elí. Kukee foof li koon akila ammuu Selemi, mantee foof akee li kufulofetaku.

Máciya 21:32

Mata Saŋ labiibil booluul min áhiisuul bútinabu bacolaabu, jíyinenut li akila. Bale bukanabuku kayabemuu búhal li bukanabuku káfulowe bomuu muñaˈa kúyinenyinen li akila. Ban maayeet nan jijukumuu wahawu unwu, jijokut li ehaaseen min jíyinen li akila.

Máciya 3:8

Muñeˈe kama jikaan majake, min jíhiis kaanaku jibabbaj buloŋ buwunkul.

Maak 1:15

Yéesu li anaak aan: — Taŋayi éliiŋe, ban Jáyiiyaju jata Ateemit jíkoojulo. Jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíyinen li Hulimahu Hásuumaahu.

Maak 1:2

Li éliibalayi yata Esay ammuu afulofet, Ateemit lansaan ló: «Fan íboñul an an íhebenulo ayabi hákil, ammuu li ateŋen bútinabu booli.

Hulimahu Hásuumaahu loon Lík akiic homuu 1:76

Bale awu, añoolom, fan ubil uhooñi afulofet ata Ateemit ata haatiya, mata fan uyab Amaaŋenawu hákil min úhosul bútinabu boot li okila.

Hulimahu Hásuumaahu loon Lík akiic homuu 7:24

Muñeˈe nan bukanabuku kan Saŋ Batiis áboñulumuu kulaañumuu, Yéesu li alako elob búsukabu mata Saŋ aaniil: — Waa jijowe jijukul li kayiinaayaku? Waa, kacaac kan élusayi élilliŋene? A’aa’!