Li kúboñul kúgoomaku kooliil li bukanabuku kata hujojahu hata Elod kujow koon Yéesu: — Anahaan, jihaase joon awu an alobe mal̥egen. Ban luliikeneliiken bukanabuku li mal̥egen buu kommuu kunaak kuloŋ loon Ateemit afañumuu. Ukóliwut anoowan, mata újukeleliit li buul.
Bukanabuku kan kúboñulumuu, li kugel̥l̥en Yéesu koonool: — Anahaan, jihaase joon wahawu wan ulobemuu li wan uliikenemuu bukanabuku ucoccol. Ujúkeleliit foof li buul, ban li uliiken bukanabuku mal̥egenamu nab li buu Ateemit afañumuu min bukanabuku kuloŋ.
Muñeˈe Fiyeel li aŋa’ hulimahu, li aan: — Muñeˈe lihaase kaanaku Ateemit ajokut bukan kukee kuhaŋ kaabuku.
Bale mata kunahaanabuku umbuku kajokimuu loon bukan káamak — ban wahawu wan kulako nomuu, inti wo ubaje jáliŋ, mata Ateemit ájukeleliit li buul — bukanabuku umbuku kutuuŋutom ikaan wah ukee.
Bukuluul jammuu kunahaan, jikaan mo manolamu foof emiikeelayi yooluul, ban jakum jinaak jinuulooliil. Joote jihaas joon bukuluul humumuul li emiikeelayi yooluul, Anahaanawu anolawu jibaje ammuu li emitayi, ban ájukeleliit li buul.
Li mal̥egenamu, an akaanumuu wah wajakut, fan abaj katek kanaboole li wahawu wan akaanumuu, mata Ateemit ájukeleliit li buul.
Emmuu jilakomuu kal̥aw li jihooñ Ateemit «Faafa», atiibemuu bukanabuku feh bajukelut li buul, naboo li wahawu wan anoowan akaanumuu, kama joote jiloŋ li ekole ló nan jommee baabe li etaam loon ejawoola.