Kata Lom 2:10 - Jola-Kasa

¹⁰ Bale Ateemit fan asen máyiineniyamu, kábinkenaku, li kásuumaayaku anoowan akaane majake, kítum li kusuwifaku ban kit kaletumuu kusuwif.

Kata Lom 2:10 Referencias Cruzadas

Máciya 10:13

Bukanabuku kakinumuu li eluufayi kuyabuulumuu jak, kásuumaayaku kooluul kujow kulako li buko. Bale kuyabutuulumuu jak, kásuumaayaku kujow kúlaañul boot li bukuluul.

Hulimahu Hásuumaahu loon Lík akiic homuu 1:79

Boot kahiiten kammuu li emoocayi li kammuu li élimayi yata eketayi, boot kájowetumolaal li bútinabu bata kásuumaayaku.

Hulimahu Hásuumaahu loon Lík akiic homuu 12:37

Awólo kulokaabuku kan anahaanawu ammuu li áliiŋul, li atookiil to mámooliwut! Li mal̥egenamu fan ilobuul, akila humumool fan asinja, ban li akaan kulokaabuku kubah, min akaaniil kutiñ.

Hulimahu Hásuumaahu loon Lík akiic homuu 19:42

aan: — Uhaaseenemmuu maayeet síyaat, waa uyilimuu useni kásuumaay! Bale muñeˈe uyilaat ujuk wo.

Hulimahu Hásuumaahu loon Lík akiic homuu 22:14

Muñeˈe nan taŋayi éliiŋumuu, Yéesu li abah li kufootalaku ló boot hutiñ.

Hulimahu Hásuumaahu loon Lík akiic homuu 9:48

Ban li aaniil: — An ayabumuu boola añiilawu umme mata ínje íji, ínje humumom layabe boola. An li ayabom boola jak, anawu áboñulommuu foof layabe boola jak. Mata anawu ahaŋumuu matitiyenoolo li bukuluul feh, okila ahaŋuulumuu feh.

Hulimahu Hásuumaahu loon Saŋ akiic homuu 12:26

An afañumuu min alok boot lí ínje, anawu ummu laate ánabul lí ínje, bájum tan emmuu li ilako, alokaawu úmbaam foof li alako to. An alokumuu boot lí ínje, fan abaj kasal hákil Atuubawom.

Hulimahu Hásuumaahu loon Saŋ akiic homuu 14:27

«Boot min ikatuul li kásuumaay. Kásuumaayaku kúmbaam léemi li ikatuul. Let isenuul ko loon adunaayi esene komuu. Jakum jiyina, ban jakum jíkoli.

Hulimahu Hásuumaahu loon Saŋ akiic homuu 16:33

Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.

Bakaanelabu 10:35

An ata banooban átuule Ateemit ban li akaan an acole, fan ásuum Ateemit.

Kata Lom 14:17

Li mal̥egenamu, Jáyiiyaju jata Ateemit jilakowut mata hutiñ li ehob, bale jilakolako mata macol, kásuumaay, li ésuumansuum. Wahawu unwu úhaaji Buyinumabu Banabaabu busene wo.

Kata Lom 15:13

Ateemit asenemuu kákangum, ajow akaanuul jibaj ésuumansuum yáamak, ban li akatuul kásuumaay káamak humum hata káyinenaku kooluul, mantee kákangumaku kooluul li kuluuk ŋáa’ li búkaanum bata sembaasu sata Buyinumabu Banabaabu.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Lom 2:9

Sílaam li buyina fan bulako li anoowan akaane majakut, kítum li kusuwifaku ban kit kaletumuu kusuwif.

Kata Lom 5:1

Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu.

Kata Lom 8:6

Kayinoo mata kásiibowaku kata eniilayi, kumukemuk; bale kayinoo mata wahawu wan Buyinumabu Banabaabu bufañumuu, kusenesen buloŋ li kásuumaay.

Kata Lom 9:21

Ateefa ubala layilo akaan enuncaayayi loon afañumuu. Layilo aŋa’ enuncaayayi yanolayi min ateef kabala katiineniye, layilo foof aŋa’ yo min ateef kabala kaŋooto.

Kata Lom 9:23

Lakankaan loon muñaˈa min áhiis maluukamu mata máyiineniyamu moola bukanabuku kan áyiyenumuu, kan afimmuu min afaleˈe yaan no boot mata min kulako li máyiineniyamu moola.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Fílib 4:7

Jikaan momuu, kásuumaayaku kata Ateemit kahaŋumuu butuuko banooban, fan kufooy sísigilasu sooluul li uyinumawu wooluul mata bukuluul bukan kata Yéesu Kilisita joom.

1 Tímote 1:17

Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

Eébulo 2:7

Lukankaan min kumalakaaku kufan kuhaŋ ál̥ahukowan jakee; li ukaanool abaj máyiineni li kasal.

Saak 2:22

Inti lujuke? Káyinenaku koola kunaboonaboo li makaanelool majake. Ban makaanelool majake mújimuu káyinenaku koola li kunab.

Saak 3:13

Mantee baje li bukuluul an ájallowe ban li atuuko? Nokoomuu loon baje, kama anawu ummu laate áhiis bújallowabu boola, li butuukowabu boola li makaanelool majake, makaani li kabeben kabilumulo li bújallo.

1 Fiyeel 1:7

Sílaamasu unsu soonosoono to boot kayoob mantee jil̥egenl̥egen li káyinenaku kooluul. Ewúlus eyilo ekajen, bale fan kukaan yo li sambun min kujuk mantee égiiwoolut li wah ukee. Muñowu káyinenaku kooluul kóotimuu kuyoobi. Kuhaŋe matiineni éwulus, bale fan kuyoobi foof min juk mantee kul̥egenl̥egen. Muñeˈe nan Yéesu Kilisita ammuu li abil, fan jibaj kábinken, kasal li máyiineni, humum hata káyinenaku kooluul kammuu kata mal̥egen.

1 Fiyeel 5:4

Muñeˈe nan Anahaanawu ata kumataaku ammuu li álaŋul, bukuluul fan jiyab éjambi yáyiineniye, yan kaleñaku kata yo kootut kútiiŋo.