Kata Efées 6:9 - Jola-Kasa

⁹ Bukuluul jammuu kunahaan, jikaan mo manolamu foof emiikeelayi yooluul, ban jakum jinaak jinuulooliil. Joote jihaas joon bukuluul humumuul li emiikeelayi yooluul, Anahaanawu anolawu jibaje ammuu li emitayi, ban ájukeleliit li buul.

Kata Efées 6:9 Referencias Cruzadas

Máciya 22:10

Mal̥egen kulokaabuku umbuku li kujow boot li útinawu kujow kúwomenul bukanabuku feh kan kujukumuu, kajakumuu li kajakutumuu kubil kumeeŋen dán sinaaŋasu sata búyabowabu sommuu li sitiñi.

Máciya 22:8

Fúlum tó, li aan kulokaabuku koola: «Sinaaŋasu sata búyabowabu silaki ban, bale bukanabuku kahebimuu kufineenut min kutooke kuhebi.

Máciya 24:48

Bale nokoomuu loon alokaawu ummu lakankaan aloka ajakut, aane li buyinumool: «Anahaanawu úmbaam let álaañul muñeˈe»,

Máciya 24:51

Anahaanawu fan atek alokaawu kútek kásengiye. Ban fan aŋalool akaan li káhoolomuu, ban jíl̥okaju jommuu li sílaamasu sáamakasu.

Máciya 7:12

«Wahoowah feh wan jifañe min bukanabuku kukaan boot li bukuluul, jikaan wo bukuluul humumuul foof boot li buko. Mata wahawu unwu eluwaayi li kulob mo foof.

Hulimahu Hásuumaahu loon Lík akiic homuu 6:31

Wahawu wan jifañumuu min bukanabuku kukaan boot li bukuluul, jikaan wo foof bukuluul humumuul boot li buko.

Hulimahu Hásuumaahu loon Saŋ akiic homuu 13:13

Jihooñewonhooñ «Aliikena», li jihooñom foof «Anahaan», ban mal̥egen jikooŋe, mata ínje Aliikena, ínje Anahaan.

Bakaanelabu 10:34

Muñeˈe Fiyeel li aŋa’ hulimahu, li aan: — Muñeˈe lihaase kaanaku Ateemit ajokut bukan kukee kuhaŋ kaabuku.

Kata Lom 2:11

Li mal̥egenamu, Ateemit ájukeleliit li buul.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 7:22

Li mal̥egenamu, amiikeel an Amaaŋenawu ahooñe, Amaaŋenawu láfulenool aban li humiikeeleto. Li manolamu, an alet amiikeel an Kilisita ahooñe, amiikeel laam ata Kilisita.

Kata Kolos 3:25

Li mal̥egenamu, an akaanumuu wah wajakut, fan abaj katek kanaboole li wahawu wan akaanumuu, mata Ateemit ájukeleliit li buul.

Kata Kolos 4:1

Kunahaanake, jinaak jikaan emiikeelayi yooluul wah wacole ban li jijokiil kule keb. Jiwayil̥o kaanaku bukuluul foof jibaje Anahaan li emitayi.

Saak 2:13

Mata Ateemit let áyiyen akila li batiib an áyiyeneliit bukan. Bale káyiyenaku fan kuheek batiibabu.

Saak 2:8

Eluwaayi yakiicimuu yonsoon: «Ufañ afaali an loon awu humumi ufañoolomuu.» Li mal̥egenamu, jikaanumuu loon muñaˈa, jikaane jak.

Saak 5:4

Jicaamut bukanabuku kan jiŋalumuu kulok li ul̥aakawu wooluul. Kumbuku li jíl̥okoo. Búluulenabu bata bukanabuku káwoogenulumuu mutiñaayamu mata úhanjiinawu wooluul, buŋeje bata Ateemit ammuu Amaaŋenawu ata Sembe.