Kata Efées 6:10 - Jola-Kasa

¹⁰ Boot min íbanum li kulimaku unke: jíbajum sembe li Amaaŋenawu, li sembaasu soola sáamakasu.

Kata Efées 6:10 Referencias Cruzadas

1 Kata Koolent 16:13

Jijuke to, jítuk lit li káyinenaku kooluul. Jíyanki, jibaj sembe.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

Kata Efées 1:19

Lil̥awe foof min jihaas sembaasu sata Ateemit sahaŋumuu wahoowah feh, san aŋalemuu min alamben ololaal áyinenaalumuu li akila. Sembaasu unsu so Ateemit áhiisumuu,

Kata Efées 3:16

Láyiineniyiineni ŋáa’ ban li abaj úsooniyen wáamak. Wahawu unwu újimuu lil̥awool mantee Buyinumabu boola li busenuul sembe min uyinumawu wooluul ulit.

Kata Fílib 3:1

Kutuyom, hulimom húbanum ho hommuu ésuumansuum elako li bukuluul humum hata hujamoolahu hooluul li Amaaŋenawu. Kaanutom wahoowah min ilaañen ilobuul wahawu wan ikiiceenuluumuu, ban mo haŋ majak boot li bukuluul.

Kata Fílib 4:13

liyilo ijokoo li wahoowah feh humum hata Kilisita asenewommuu sembe.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

Kata Kolos 1:11

Alóli jil̥awe Ateemit min alitenuul li wahawu feh li sembaasu soola sáyiineniyaasu, mantee li jiyili jímuñ wahoowah li hujokoo ló.

2 Tímote 2:1

Awu ammuu añoolom, kama uwankulenoolo li kájiyaku kan úbajumaalumuu li hujokoolahu hoololaal li Yéesu Kilisita.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!

1 Fiyeel 3:8

Boot min íwuñenum li kulimaku unke: bukuluul foofuul feh jibaj kajamoo, jibaj uyinoolawu wanolawu, jíbooliwoo loon batuyaay, jiyili káyiyen bukan, ban li jiwalenoolo.

1 Fiyeel 4:11

An áakimuu káji kata elob, li anaak alob kulimaku kata Ateemit. An li áaki káji kata kalamben bukan, li akaan mo li sembaasu san Ateemit asenemuu, bájum Ateemit li ásalumi li wahoowah feh jówum li Yéesu Kilisita, akilumuu máyiineniyamu li sembaasu boot nanoonan. Aameen!

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

1 Saŋ 2:14

Bañoolom, ilaañen ikiiculuul min íhiisuul kaanaku jihaase Atuubaawu. Kunahaan, ilaañen ikiiculuul min íhiisuul kaanaku jihaase anawu afimmuu min áami tó yaan no li húkitumahu. Báfulabe, ilaañen ikiiculuul min íhiisuul kaanaku jibabbaj sembe. Hulimahu hata Ateemit hunhu nanoonan li bukuluul, ban jiheeheek Sayitaane.