Mal̥egen kulokaabuku umbuku li kujow boot li útinawu kujow kúwomenul bukanabuku feh kan kujukumuu, kajakumuu li kajakutumuu kubil kumeeŋen dán sinaaŋasu sata búyabowabu sommuu li sitiñi.
Kata Efées 6:9 - Jola-Kasa Bukuluul jammuu kunahaan, jikaan mo manolamu foof emiikeelayi yooluul, ban jakum jinaak jinuulooliil. Joote jihaas joon bukuluul humumuul li emiikeelayi yooluul, Anahaanawu anolawu jibaje ammuu li emitayi, ban ájukeleliit li buul. |
Mal̥egen kulokaabuku umbuku li kujow boot li útinawu kujow kúwomenul bukanabuku feh kan kujukumuu, kajakumuu li kajakutumuu kubil kumeeŋen dán sinaaŋasu sata búyabowabu sommuu li sitiñi.
Fúlum tó, li aan kulokaabuku koola: «Sinaaŋasu sata búyabowabu silaki ban, bale bukanabuku kahebimuu kufineenut min kutooke kuhebi.
Bale nokoomuu loon alokaawu ummu lakankaan aloka ajakut, aane li buyinumool: «Anahaanawu úmbaam let álaañul muñeˈe»,
Anahaanawu fan atek alokaawu kútek kásengiye. Ban fan aŋalool akaan li káhoolomuu, ban jíl̥okaju jommuu li sílaamasu sáamakasu.
«Wahoowah feh wan jifañe min bukanabuku kukaan boot li bukuluul, jikaan wo bukuluul humumuul foof boot li buko. Mata wahawu unwu eluwaayi li kulob mo foof.
Wahawu wan jifañumuu min bukanabuku kukaan boot li bukuluul, jikaan wo foof bukuluul humumuul boot li buko.
Jihooñewonhooñ «Aliikena», li jihooñom foof «Anahaan», ban mal̥egen jikooŋe, mata ínje Aliikena, ínje Anahaan.
Muñeˈe Fiyeel li aŋa’ hulimahu, li aan: — Muñeˈe lihaase kaanaku Ateemit ajokut bukan kukee kuhaŋ kaabuku.
Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.
Li mal̥egenamu, amiikeel an Amaaŋenawu ahooñe, Amaaŋenawu láfulenool aban li humiikeeleto. Li manolamu, an alet amiikeel an Kilisita ahooñe, amiikeel laam ata Kilisita.
Li mal̥egenamu, an akaanumuu wah wajakut, fan abaj katek kanaboole li wahawu wan akaanumuu, mata Ateemit ájukeleliit li buul.
Kunahaanake, jinaak jikaan emiikeelayi yooluul wah wacole ban li jijokiil kule keb. Jiwayil̥o kaanaku bukuluul foof jibaje Anahaan li emitayi.
Mata Ateemit let áyiyen akila li batiib an áyiyeneliit bukan. Bale káyiyenaku fan kuheek batiibabu.
Eluwaayi yakiicimuu yonsoon: «Ufañ afaali an loon awu humumi ufañoolomuu.» Li mal̥egenamu, jikaanumuu loon muñaˈa, jikaane jak.
Jicaamut bukanabuku kan jiŋalumuu kulok li ul̥aakawu wooluul. Kumbuku li jíl̥okoo. Búluulenabu bata bukanabuku káwoogenulumuu mutiñaayamu mata úhanjiinawu wooluul, buŋeje bata Ateemit ammuu Amaaŋenawu ata Sembe.