Hulimahu Hásuumaahu loon Saŋ akiic homuu 7:4 - Jola-Kasa An afañumuu min ahaaso, let akaan wah li huyolo. Emmuu lukaanekaan wah loon muñaˈa, úfu’ ukaan wo min ésukayi feh ejuki. |
Wahoowah feh wan kukaane, kukankaan wo boot ñajuko. Mó lí múji li kunaak kuŋa’ hulimahu hata Ateemit kukaan li kuhut káamak, kukok li síjontumasu sooliil, mantee foof li sibosokasu sooliil. Ubeyawu wata kújufaaku kooliil wáamak, ban li kunaak kugalo ul̥aac wabaake.
Nan kúliiŋ dómuu, Sayitaane li aan Yéesu: — Nokoomuu loon awu ommuu añiilawu ata Ateemit, li ufum boot teetaam, mata hulimahu hata Ateemit hoone: «Ateemit fan alob mooli kumalakaaku koola, min kuyalleni, jakum bil kaati kulo li huyitik.»
— Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban.
— Jilakomuu kal̥aw, jakum jiliikoo li káhoolomuu, kafañemuu kuyito min kul̥aw li siluufasu sata kal̥awaku, li tan útinawu úlandoomuu, bájum ésukayi li ejukiil. Li mal̥egenamu fan ilobuul, bacaamabu booliil kuyab bo kuban.
An ajake li buyinumool bajake lákaanume wah wajake. An ajakut li buyinumool bajakut lákaanume wah wajakut; mata wahawu wammuu li buyinumabu, wo butumabu búlobewulumuu.
Yéesu li aanool: — Lilollob ihant hákil ésukayi feh. Linaanaak iliiken bukanabuku li siluufasu sata kal̥awaku feh kuwoogemuu, ban bajut wah wan ilobe li huyoloo.
Muñeˈe kutuyaku kata Yéesu li koonool: — Ufú’ taate ujow boot Súde, mantee kúgoomaku kooli foof li kujuk bulokabu ban ommuu li kakaanaku.