Máciya 6:5 - Jola-Kasa

⁵ — Jilakomuu kal̥aw, jakum jiliikoo li káhoolomuu, kafañemuu kuyito min kul̥aw li siluufasu sata kal̥awaku, li tan útinawu úlandoomuu, bájum ésukayi li ejukiil. Li mal̥egenamu fan ilobuul, bacaamabu booliil kuyab bo kuban.

Máciya 6:5 Referencias Cruzadas

Máciya 21:22

Ban wahoowah feh wan jil̥awe Ateemit li káyinen ló, fan jibaj wo.

Máciya 23:13

— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.

Máciya 23:5

Wahoowah feh wan kukaane, kukankaan wo boot ñajuko. Mó lí múji li kunaak kuŋa’ hulimahu hata Ateemit kukaan li kuhut káamak, kukok li síjontumasu sooliil, mantee foof li sibosokasu sooliil. Ubeyawu wata kújufaaku kooliil wáamak, ban li kunaak kugalo ul̥aac wabaake.

Máciya 23:6

Kufanfañ ŋáa’ kabah li kúbahumaku kata hákil li kúbaññaatiyaku, li kabah foof li kúbahumaku kata hákil li siluufasu sata kal̥awaku.

Máciya 6:1

— Jíkaanum, jakum jikaan wahawu wan Ateemit afañumuu hákil ésukayi feh, mantee bukanabuku li kujukuul. Mata jikaan momuu, Atuubawuul ata haatiya let acaamuul.

Máciya 6:16

— Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban.

Máciya 6:2

«Mó mújimuu, usenumuu asukateen wah, jakum ul̥ok kasiin. Mata muñaˈa káhoolomuu kukaanemuu li siluufasu sata kal̥awaku, li útinawu, bájum ésukayi li esaliil. Li mal̥egenamu fan ilobuul, bacaamabu booliil kuyab bo kuban.

Máciya 9:38

Mó mújimuu, jil̥aw Amaaŋenawu ata ecacayi, min áboñul kucaca boot li kal̥aakaku koola.

Maak 11:25

Nan jommuu jiyito boot kal̥aw wah Ateemit, nokoomuu loon babbaj an an jibajoole, jibonket anawu ummu kayitee Atuubawuul ammuu li emitayi li abonket foof uhoofoolawu wooluul.

Maak 12:38

Nan Yéesu alakomuu kaliikenaku kata bukanabuku Hulimahu hata Ateemit, li aaniil: — Jíkaanum bukanabuku kaliikenemuu ésukayi eluwaayi yata Móyiis, kafañemuu kakaano kúsabadoo min kuñaahoo, ban li kufañ ŋáa’ min bukanabuku kunaak kusaafiil li waayeenawu.

Hulimahu Hásuumaahu loon Lík akiic homuu 11:43

«Katek kujow kulako li bukuluul kufaaliisiyeŋake! Mata jifanfañ kabah li síbahumasu sata hákil li siluufasu sata kal̥awaku. Li jifañ min bukanabuku kunaak kusaafuul li waayeenawu.

Hulimahu Hásuumaahu loon Lík akiic homuu 18:1

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

Hulimahu Hásuumaahu loon Lík akiic homuu 18:13

Ayábabuhalabu okila li ayito lóyi, ban afanut akaañen ateb kúkilool ajuke emitayi. Bale li anaak atek li bagiŋool min aan: «Ateemit, úyiyenom, ínje ahoofoola.»

Hulimahu Hásuumaahu loon Lík akiic homuu 20:47

Li kuyab wahawu feh wan kaalaaku kahokumuu kúyiniil kuhine kubajumuu, ban li kunaak kul̥aw fiyo boot ñajuko. Mó mújimuu, Ateemit fan atekiil kútek kásengiye ŋáa’.

Hulimahu Hásuumaahu loon Lík akiic homuu 6:24

Bale íyeno bukuluul jabajumuu, mata kásuumaayaku kooluul jiyab ko jiban!

Hulimahu Hásuumaahu loon Saŋ akiic homuu 16:24

Boot muñeˈe, jil̥awolut wah li kajawaku kúmbaam. Jil̥aw ban fan jibaj, mantee li jibaj ésuumahukow halli.»

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

1 Kata Tesalonik 5:17

Jakum jilako to bal̥awut,

Saak 4:6

Bale Ateemit li amit asenolaal káji káamak, mata Bakiicelabu bonsoon: «Ateemit lahoohoy bukanabuku katebenoolomuu, min ásuum li kawalenoolomuu.»