Máciya 6:4 - Jola-Kasa

⁴ Bájum li lako wah wakaani li huyoloo. Ateemit, Atuubayi ajukemuu wah wakaani li huyoloo, fan alaañeni wo.

Máciya 6:4 Referencias Cruzadas

Máciya 10:42

Li mal̥egenamu fan ilobuul, an asenumuu maayeet efot yano yata mal májoobiye akee li bukanabuku umbuku kan káyinenaku kooliil lí ínje kulitutumuu ahob, mata ágoomom laam, akaal̥owut mata manooman Ateemit fan acaamool.

Máciya 6:18

Bájum ésukayi jakum ehaas yoon kamommo lóomi lí kó, min Atuubayi bale ahaas, aano tomuu tan yolomuu. Ateemit, Atuubayi ajukemuu wah wakaani li huyoloo, fan alaañeni wo.

Máciya 6:3

Bale usenumuu asukateen wah, jakum ukat maayeet abukeyi ata húkow min ahaas.

Máciya 6:6

Bale awu, ufañumuu kal̥aw, li ujow ubaboo li káfitaku kooli, min ul̥aw Atuubayi aano tomuu tan yolomuu. Atuubayi Ateemit, ajukemuu wah wakaani li huyoloo, fan alaañeni wo.

Hulimahu Hásuumaahu loon Lík akiic homuu 14:14

Ukaan momuu, Ateemit fan ásooniyeni, mata bukanabuku umbuku kuyilaat kulaañeni wahawu wan ukaaniilumuu. Ateemit fan abil alaañeni wahawu unwu nan bukanabuku kátuuloolumuu kommuu kuyitowumul li eketayi.

Hulimahu Hásuumaahu loon Lík akiic homuu 8:17

Mata bajut wah wayoli waatut ubil ujuki. Ban bajut wah wayolooli, waatut ubil uhaasi min úhiisi li mawuŋe.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

Eébulo 4:13

Bajut búwuwenum ban Ateemit ayilaat ajuk. Wahawu feh úhimulohimulo ban li uweeteni hákilool, ban anoowan li alolaal fan abil alob asenool mata wahawu feh wan akaanumuu.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Búhiisenumabu 2:23

Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.