Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.
Hulimahu Hásuumaahu loon Saŋ akiic homuu 7:1 - Jola-Kasa Muñeˈe nan fúlum tómuu, Yéesu li añaahoo li etaamayi yata Gálile. Afañut min ájowum li etaamayi yata Súde mata kunahaanaku kata Kusuwifaku huŋesool kulakowe boot jamuk. |
Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.
Bale nan kulokaabuku kata úbiiñawu kujukumuu añiilawu, li kúsuumenoo koon: «Añiilawu ammuu li atowowool ummu. Jibil umukaalool min uŋalaal bútowowabu boola ukilaal.»
Muñeˈe nan huhaanaahu hata élambaayi li kaliikenemuu ésukayi eluwaayi yata Móyiis kujamumuu loon muñaˈa, li kulako huŋes bútin mantee li kumuk Yéesu. Bale li mal̥egenamu kúkolikoli Yéesu, mata baliikenelabu boola bugoggo’ búsukabu feh ŋáa’.
Kulimaku unke Saŋ alobumuu nan kunahaanaku kata Kusuwifaku kubil kugel̥l̥enool koonool: — Awu ommuu ayi?
Nan Yéesu ajamumuu li kulob loon muñaˈa, li áfu’ li etaamayi yata Súde min alaañ boot li yata Gálile.
Wahawu unwu ulakomuu búhiisenum búl̥ubut bájaahaleniye ban Yéesu akaanumuu nan álaañumulomuu li etaamayi yata Súde boot li yata Gálile.
Fúlum tó, Yéesu li ajow alimb boot kageb kaaka kata húwajahu hammuu li etaamayi yata Gálile (haaneyimuu foof húwajahu hata Tibeeliyad.)
Muñeˈe kunahaanaku kata Kusuwifaku li kulako huŋes Yéesu bata kagaanaku. Li kunaak kugel̥l̥en koon: — Kama okila ummay?
Bale anoowan akaañenut alob mata Yéesu hákil ésukayi feh, mata kúkolikoli kunahaanaku kata Kusuwifaku.
Kama inti Móyiis asenuulumuu Eluwaayi? Bale bajut an li bukuluul akaane loon elobumuu. Wáa újiye li joono li huŋes jamukom?
Muñeˈe kukee li bukanabuku kakinumuu Yeelusalem li kunaak koon: — Kama kele inti ánayinaawu ummu kuŋesemuu li akila boot jamuk?
Kunahaanaku kata Kusuwifaku li kunaak kugel̥l̥enoo koon: — Kama sum bay lajeˈe boot, ban ootut uyiliyaal ujowaal utookaalool? Boot fíle min ajow boot bata bukanolaal kajowumuu kukin li kata Gilees, ajow aliiken bo kata Gilees?
Lihaase een bukuluul bubukoolum bata Abulaham joom. Bale bukuluul jumbuku li huŋes min jimukom, mata jikaanut kulimaku kan ilobuulumuu li uyinumuul.
Bale muñeˈe bukuluul jumbuku li huŋes jamukom, ínje jalobuulumuu mal̥egenamu man íjamummuu li Ateemit, ban Abulaham okila akaanut loon bukuluul.
Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.