Maak 11:18 - Jola-Kasa

¹⁸ Muñeˈe nan huhaanaahu hata élambaayi li kaliikenemuu ésukayi eluwaayi yata Móyiis kujamumuu loon muñaˈa, li kulako huŋes bútin mantee li kumuk Yéesu. Bale li mal̥egenamu kúkolikoli Yéesu, mata baliikenelabu boola bugoggo’ búsukabu feh ŋáa’.

Maak 11:18 Referencias Cruzadas

Máciya 21:15

Bale nan huhaanaahu hata élambaayi li kaliikenemuu ésukayi Eluwaayi yata Móyiis kujukumuu min Yéesu akaanumuu jáahaleni, li min foof bañiilabu bunaake bulobumuu butiya li Eluufayi yata Ateemit boon: «Hosanna! Usalaal Añiilawu ata Dayit!», súumutiil.

Máciya 7:28

Muñeˈe nan Yéesu alobumuu kulimaku unku ajow aban, ésukayi li esego feh, mata kulimaku kan aliikeniilumuu kúji.

Maak 1:22

Baliikenelabu bata Yéesu li bukaan bukanabuku kalakomuu bajantenabu boola kusego ŋáa’, mata lanaanaak aliikeniil kulimaku unku li sembe ló, búti li kaliikenemuu ésukayi eluwaayi ésukayi eluwaayi yata Móyiis.

Maak 11:32

Li bil oonaalool: «Li bukan kubilume…», let jow. (Kúkolikoli búsukabu, mata bukanabuku feh kujoojok Saŋ loon afulofet ata mal̥egen.)

Maak 12:12

Muñeˈe huhaanaahu hata élambaayi li kaliikenemuu ésukayi eluwaayi ésukayi eluwaayi yata Móyiis, li kulako huŋes bútin boot min kujok Yéesu. Mata li mal̥egenamu, kúnaanunnaanum koon bukittenoolumabu ban alobumuu, li buko lalob bo aya. Bale emmuu kúkolikoli búsukabu, li kukat to Yéesu min kujow.

Maak 3:6

Muñeˈe Kufaaliisiyeŋaku li kuyaan kúfulul li eluufayi yata kal̥awaku, kujow kujoj li bukanabuku kata Elod, min kujamoo buu kommuu li kukaan min kumuk Yéesu.

Maak 6:20

Li mal̥egenamu, Elod lákolikoli Saŋ, ban lahaase aan Saŋ lakankaan an acole ban li anab. Okila humumool anaake afooy Saŋ. Nanoonan nan Elod ajantene kulimaku kata Saŋ Batiis, buyinumool li búguul̥oo. Bale li anaak ajantenool li ésuumansuum ló.

Hulimahu Hásuumaahu loon Lík akiic homuu 19:47

Yéesu li anaak aliiken bukanabuku Hulimahu hata Ateemit hunakoohunak li eluufayi yata Ateemit. Bale huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, li kunahaanaku kata ésukayi li kuŋes min kumuk Yéesu.

Hulimahu Hásuumaahu loon Lík akiic homuu 2:47

Bukanabuku feh kajantenumuu Yéesu li kusego humum hata butuukowabu boola li kulimaku kan anaake abagiilumuu.

Hulimahu Hásuumaahu loon Lík akiic homuu 20:19

Muñeˈe no unnu, kaliikenemuu ésukayi eluwaayi ésukayi eluwaayi yata Móyiis li huhaanaahu hata élambaayi, li kulako huŋes bútin boot min kujok Yéesu. Mata li mal̥egenamu, kúnaanunnaanum koon bukittenoolumabu ban alobumuu, li buko lalob bo aya. Bale li kúkoli ésukayi.

Hulimahu Hásuumaahu loon Lík akiic homuu 4:22

Bukanabuku feh li súumiil li Yéesu. Li kusego mata kulimaku kásuumaaku kan alobiilumuu. Li koon: — Kama kele inti okila ammuu añiilawu ata Suseef?

Hulimahu Hásuumaahu loon Saŋ akiic homuu 7:1

Muñeˈe nan fúlum tómuu, Yéesu li añaahoo li etaamayi yata Gálile. Afañut min ájowum li etaamayi yata Súde mata kunahaanaku kata Kusuwifaku huŋesool kulakowe boot jamuk.

Hulimahu Hásuumaahu loon Saŋ akiic homuu 7:19

Kama inti Móyiis asenuulumuu Eluwaayi? Bale bajut an li bukuluul akaane loon elobumuu. Wáa újiye li joono li huŋes jamukom?

Hulimahu Hásuumaahu loon Saŋ akiic homuu 7:46

Kufooyaabuku li kooniil: — Bilut baj an alobe loon ánayinaawu ummu alobemuu!

Bakaanelabu 24:25

Bale nan Fool ajeˈe alobumuu mata buloŋ bacole, mata hujokoo, li mata batiibabu bammuu li bubil, Féeliis li ákoli min aanool: — Muñeˈe luyilo ujow. Nan emmuu li ibajo, li íhooñuli.