— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.
Hulimahu Hásuumaahu loon Saŋ akiic homuu 3:15 - Jola-Kasa bájum an áyinenumuu li akila, li abaj buloŋabu bábaneliitumuu. |
— Jíkaanum! Jakum jibes akee li bukanabuku umbuke kan káyinenaku kooliil lí ínje kulitutumuu. Mata fan ilobuul, li emitayi kumalakaaku kooliil kumbuku nanoonan hákil Atuubawom ata haatiya.
Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»
An áyinenumuu li Hulimahu Hásuumaahu ban li ábatiiseyi, fan afak; bale an áyinenutumuu, fan ajow li sambun.
Bale bukanabuku feh kayab homuu, yo yommuu kúyinenumuu li ho, li huseniil bútin min kulako bañiil bata Ateemit.
Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.
Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.
Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.
An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.
«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.
Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.
Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.
“Jijuke, bukuluul jayili muñowu kabes kulimaku kata Ateemit, jisego ban li jíbujo! Mata boot min ikaan li kuloŋawuul, wah wan uhaase oon kulobuul womuu let jíyinen.”»
Emmuu ejowayi kulakowe li bútinabu, li kúliiŋ tikee tin baje mal. Anáyinaawu ata Ecofi li aan Fílib: — Mal mummu! Waa woote úhilom íbatiisewumi? [
Mó mújimuu, loon kahoofoolaku kubajumuu sembe min kújiwolaal li unaak uketaal, mo foof kájiyaku kata Ateemit kubajumuu sembe min kújiwolaal li ulakowaal bukan kacole hákilool, min ubajaal buloŋ bábaneliit babilumulo li Yéesu Kilisita ammuu Amaaŋenawu oololaal.
Li mal̥egenamu, kawaaleyaku kata eketayi yata Kilisita li ekuluwaayi, kulakolako bul̥uuhoo boot li bukanabuku kammuu li ejow li sambun, bale alolaal jaamaalumuu li bútinabu bata kafakaku, kawaaleyaku unku laalu sembaasu sata Ateemit.
Ban nokoomuu loon babbaj wah wayolowe li Hulimahu Hásuumaahu han áloli jiwaaleˈemuu, uyoloyolo boot li bukanabuku bale kammuu li kájim.
Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.
Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.
Bale alolaal uletaal ló li bukanabuku kañakemuu kulaañ búsol min kújim, bale alolaal oomaalumuu bukanabuku káyinenumuu, ban lufakaale.
Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.
An áyinenumuu kaanaku Yéesu ammuu Kilisita, anawu ummu añiil ata Ateemit laam. Ban an áboolimuu Ateemit Atuubaawu, anawu ummu fan ábooli foof bañiilabu bata Ateemit.
Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.