Hulimahu Hásuumaahu loon Saŋ akiic homuu 6:27 - Jola-Kasa

²⁷ Jakum jilok boot kabaj búhen báami li bukajen, bale jilok min jibaj búhen báami li bulako to boot li buloŋabu bábaneliitumuu. Búhenabu umbu Añool-An ammuu li asenuul, mata li mal̥egenamu li akila Ateemit Atuubaawu akaanumuu húhaasumahu hoola.

Hulimahu Hásuumaahu loon Saŋ akiic homuu 6:27 Referencias Cruzadas

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 25:46

Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»

Máciya 3:17

Esúkayi li ejam hulim háfulumulo li emitayi haane: «Laalu añoolom an íboolimuu ŋáa’. Buyinumom feh li akila likaan bo.»

Máciya 6:19

— Jakum jiŋes min jibaj ebaj yáamak boot li bukuluul li etaamayi, dán bulolabu li búkolabu buyilimuu bukajen wah, li dán ékuuwayi eyilimuu élu kuteefaku min ékuwet wah.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Maak 1:11

Muñeˈe hulim li hujami li emitayi haane: — Awu ommuu Añoolom an íboolimuu ŋáa’. Buyinumom feh li awu li kaan bo.

Maak 9:7

Muñeˈe kafaal li kuyaan kúhimeniil li máyiinowamu mata ko. Hulim li húfulumul li kafaalaku haane: — Laalu Añoolom an iboolaatumuu. Jijantenool!

Hulimahu Hásuumaahu loon Lík akiic homuu 3:22

Muñeˈe Buyinumabu Banabaabu li búwalowul li kambu kata éleebaan bubil bulako li akila. Hulim li hujami li emitayi haane: — Awu ommuu Añoolom an íboolimuu ŋáa’. Buyinumom feh li awu li kaan bo.

Hulimahu Hásuumaahu loon Lík akiic homuu 9:35

Hulim li húfulumul li kafaalaku haane: — Laale Añoolom an il̥usumuu. Jijantenool!

Hulimahu Hásuumaahu loon Saŋ akiic homuu 10:28

Li isen ko buloŋabu bábaneliitumuu. Let kubil kuket, ban an let ayili alam ko li kuŋenom.

Hulimahu Hásuumaahu loon Saŋ akiic homuu 11:42

Injé lihaase een lúsooniyenesooniyen nanoonan kal̥awaku kúmbaam, bale búsukabu umbu báguutommuu bújimuu li ilob, mantee li kúyinen kaanaku awu úboñulom.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 15:24

Let kubajeen butila bata kahoofoo, ínje bakaaneenut hákiliil bulokabu ban akee ábuto akanlelutumuu. Bale muñeˈe kujuke bulokabu búmbaam, ban li kulatom, li kulat foof Atuubawom.

Hulimahu Hásuumaahu loon Saŋ akiic homuu 17:2

Mata lusenoosen kayile li bukanabuku feh, mantee li asen buloŋabu bábaneliitumuu bukanabuku feh kan usenoolumuu.

Hulimahu Hásuumaahu loon Saŋ akiic homuu 3:15

bájum an áyinenumuu li akila, li abaj buloŋabu bábaneliitumuu.

Hulimahu Hásuumaahu loon Saŋ akiic homuu 3:33

Li mal̥egenamu, an áyinenumuu li kulimaku koola, láhihhiis kaanaku Ateemit lakankaan Ateemit alobe mal̥egen.

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

Hulimahu Hásuumaahu loon Saŋ akiic homuu 6:47

Li mal̥egenamu fan ilobuul: an áyinenumuu fan abaj buloŋ bábaneliit.

Hulimahu Hásuumaahu loon Saŋ akiic homuu 6:51

Injé emmuu húmbuuluwahu haloŋumuu, habilummuu li emitayi. An atokoñumuu húmbuuluwahu unhu, fan aloŋ boot nanoonan. Ban húmbuuluwahu han emmuu li isen bájum adunaayi li eloŋ, ho hommuu eniilayi yúmbaam.

Hulimahu Hásuumaahu loon Saŋ akiic homuu 6:53

Muñeˈe Yéesu li aaniil: — Li mal̥egenamu fan ilobuul: jitokoñutumuu eniilayi yata Añool-An, ban jihobutumuu húsimahu hoola, let jibaj buloŋabu bata mal̥egen.

Hulimahu Hásuumaahu loon Saŋ akiic homuu 6:54

An atokoñumuu eniilayi yúmbaam ban li ahob húsimahu húmbaam, fan abaj buloŋabu bábaneliitumuu. Ban ínje fan iyitenumulool li eketayi li hunakahu húbanumahu.

Hulimahu Hásuumaahu loon Saŋ akiic homuu 6:58

Húmbuuluwahu unhe hubilumulomuu li emitayi. Húbutoobutoo li han situubawuul sihaan sitokoñumuu, ban buko kukeeket. Bale an atokoñumuu húmbuuluwahu unhe, fan aloŋ boot nanoonan.

Hulimahu Hásuumaahu loon Saŋ akiic homuu 6:62

Kama muñowu buu eete nokoo bukuluul bajuke Añool-An li alaañ boot haatiya ban alakoweenumuu naanaŋ?

Hulimahu Hásuumaahu loon Saŋ akiic homuu 6:68

Simoŋ Fiyeel li aanool: — Amaaŋen kama bata ayi jommuu li jijow? Lubaje kulimaku kasenemuu buloŋabu bábaneliitumuu.

Hulimahu Hásuumaahu loon Saŋ akiic homuu 8:18

Injé lílobunlobum li kajawaku kúmbaam humum ko, ban Atuubawom áboñulommuu lakooŋenonkooŋen.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 2:22

Fiyeel li alaañen aaniil: — Kutuyom kata Isilayeel, jijanten kulimaku unke kan emmuu li ilobuul. Ateemit láhiisuuhiis ayi ammuu Yéesu akinumuu Nasalet. Mata Ateemit li Yéesu lákaanume bújaahalenumabu, li búhiisenum hákiluul. Ban bukuluul humumuul jihaas yo.

Kata Lom 4:11

Muñeˈe nan fú’ tómuu, Abulaham li atey búkut min lako búhiisenum. Búhiisenumabu umbu bo bommuu húlangumaaso háhiisumuu kaanaku Ateemit lajoojok Abulaham an acole humum hata káyinenaku koola, tówum atey búkut. Muñowu Abulaham áamummuu atuubaawu ata bukanabuku feh káyinenumuu li Ateemit buko bateyut búkut, ban li ajokiil bukan kacole.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

1 Kata Koolent 6:13

Li jinaak foof joon: «Mutiñaay lakaanikaan boot li ha’, ha’ li akaani boot li mutiñaay.» Mal̥egen! Ateemit fan abil aniilen wo úl̥uba: mutiñaayamu li halahu. Bale eniil yata ál̥ahukowan ekaanuti boot bucagayet. Eniilayi yoonosoono to boot li Amaaŋenawu, Amaaŋenawu li aano to boot li eniilayi.

1 Kata Koolent 9:2

Maayeet min kite eeni baje kukee kaane ilet afootal, bale bukuluul joote jihaas joon ínje afootal leem, mata bukuluul jammuu li Amaaŋenawu, bukuluul jíhiisumuu jak kaanaku ínje afootal.

2 Kata Koolent 4:18

Mata alolaal uŋalutaal sítiijolaal feh ukaanaal li wahawu wajukeyimuu, bale li wájukeliitimuu lukaanaal so. Li mal̥egenamu, wahawu wajukeyimuu úfiyoweliit, bale wájukeliitimuu woonosoono to boot nanoonan.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Fílib 2:13

Li mal̥egenamu, Ateemit akaanumuu li bukuluul húfañum li kayile kata kakaan wah, naboo li húnongumahu hoola hajakaahu.

Kata Kolos 1:29

Wahawu unwu újimuu li éemi li kahanken min itaj, mantee li iyili ihabel ikaan bulokabu umbu li sembaasu sata Kilisita, sammuu li kakaan bulok báamak lí ínje.

Kata Kolos 2:22

Siluwaasu unsu sikaanikaan boot li wah waatut ulaañen ubaj jáliŋ wo baŋaleli uban min kaan wah. Laalu hin siluwa li baliikene bata bukan.

Kata Kolos 3:2

Jiŋa’ uyinumuul feh jikaan li wahawu wammuu haatiya, jakum jiyinoo wammuu li etaamayi.

1 Kata Tesalonik 1:3

Li mal̥egenamu, jiwayil̥owewayil̥o hákil Ateemit Atuubaawu buu káyinenaku kooluul kujukimuu li baloŋelabu booluul, buu húbooliyahu hooluul hújiwuulumuu li jihanken min jilok, li buu kákangumaku kan jibajumuu li Amaaŋenawu kájiwuulumuu li jítuk lit.

2 Tímote 2:19

Bale kúlankiinaku kal̥aal̥aaku kan Ateemit awalenumuu teetaam tówum eluufayi eteefi, kuyilaat kugoloo. Kulimaku unke kúkiici lómuu: «Amaaŋenawu lahaase bukanabuku kammuu koola.» Li foof: «An aanumuu okila Amaaŋenawu akilool, anawu ummu laate áloyi majakut.»

Eébulo 12:16

Jíkaanum, jakum baj an li bukuluul áfulowe li aletalet mantee foof an ákaanumut wahawu wáñeyimuu wata Ateemit, loon Esáyii an hutiñ ñano bale hújimuu li aŋa’ huhaanaahu hoola hata añiil átinaa anoomen.

Eébulo 4:11

Mó mújimuu, lootaale kama ukaanaal wahoowah min ubajaal kayool̥owaku unku, jakum bil an li alolaal alo, okila banabe li bukittenoolumabu bata bukanabuku kátuulutumuu Ateemit.

Saak 1:11

Mata banakabu buyitowulumuu li hásufaahu hata bo ló, li bufaaben mahosamu, min élunfenayi yata mo ewaŋo. Majakamu mata élunfenayi li mújim. Muñowu foof an akaane usaanum ammuu li abil aket, akila li huŋesahu hata ebajayi.

1 Fiyeel 1:24

Li mal̥egenamu, loon Bakiicelabu bulobumuu: «Al̥áhukowan anoowan lanokoonokoo loon mahosamu, ban máyiineniyamu moola li munokoo loon élunfen. Mahosamu fan musay, élunfenayi li élowul,

2 Fiyeel 1:17

Nan Ateemit Atuubaawu ábinkenoomuu ban li asenool máyiineniyamu, hulim li hubilum li máyiineniyamu maleñaamu mata Ateemit min hoonool: «Laale Añoolom an iboolaatumuu, ésuumansuumayi yúmbaam feh li akila yoom.»