Bakaanelabu 15:8 - Jola-Kasa Ban, Ateemit ahaasumuu kayinoo kata anoowan, láhiisenhiisen kaanaku layabiiyab nan aseniilumuu Buyinumabu Banabaabu foof loon asenolaal bomuu. |
Yéesu li alaañen agel̥l̥enool búhaajut aanool: — Simoŋ, awu ata Saŋ, lufañonfañ? Li jok Fiyeel ŋáa’, mata Yéesu lalaañenlaañen agel̥l̥enool búhaajut aanool: «Lufañonfañ?» Fiyeel li aanool: — Amaaŋen, awu jahaasumuu wahawu feh, luhaase oon lifañifañ. Muñeˈe Yéesu li aanool: — Ucookoo kúgalalaanaku kúmbaam.
Ban Atuubaawu humumool áboñulommuu lalollob foof múmbaam. Bukuluul jijamulelut hulimahu hoola, ban jijukulelut kambuwaku koola.
Nan kusenumuu ujawawu kuban, buko foofiil feh li kul̥aw loon muñeˈe: «Amaaŋen, awu luhaase wahawu wammuu li buyinumabu bata anoowan feh. Uhíisoli ayi li umbuke kúl̥uba lul̥usumuu,
— Mantee an layilo áhi’ min bukanabuku umbuku kúbatiiseyi li mal, muñeˈe nan kuyabumee Buyinumabu Banabaabu loon foof ololaal uyabaal bomuu?
Bale Fool buko li Balunabaas li kulako Ikóniyom fiyo jakee. Li kunaak kulob li kabaneyiil, li káwoolu ló li Amaaŋenawu li wah wan an ajuulelut, min áhiis kaanaku kulimaku kan kuwaaleyemuu mata kájiyaku koola, mal̥egen.
Mata Buyinumabu Banabaabu li óloli húmumoli, jijoojok kaanaku let jikaanuul búteb bakee jiteb, bábuto li wahawu unwe wafimmuu min wóoti ukaani:
Nan kúlellufaku unku kata sambunasu kubilumuu kulo li buko, foofiil feh li kuyab Buyinumabu Banabaabu. Muñeˈe li kulob silob sakee, anoowan loon Buyinumabu Banabaabu bukaanimuu min ulob.
Nan kubanumuu kal̥awaku, etaamayi li egoloo tan kuwoogumuu. Buyinumabu Banabaabu li bubil bulako li buko foofiil feh, min kunaak kulob hulimahu hata Ateemit li kabaneyiil.
Ateemit humumool li ájowum li búhiisenum, li bakaane babaje sembe, li wah wájaahaleniye min áhiis kaanaku kulimaku kan kulobumuu mal̥egen. Ateemit láhihhiis foof wahawu unwu min asenumuu bukan úji wata Buyinumabu Banabaabu loon afañumuu.
Bajut búwuwenum ban Ateemit ayilaat ajuk. Wahawu feh úhimulohimulo ban li uweeteni hákilool, ban anoowan li alolaal fan abil alob asenool mata wahawu feh wan akaanumuu.
Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.