Bakaanelabu 15:7 - Jola-Kasa

⁷ Li kúwonnoo jow fiyo, Fiyeel li ayito min aaniil: — Kutuyom, jihaase joon Ateemit lal̥usonl̥us li bukuluul nan fiyo, boot kawaale Hulimahu Hásuumaahu bukanabuku kákaanumutumuu li Ateemit balewool, mantee li kujam ho li kúyinen.

Bakaanelabu 15:7 Referencias Cruzadas

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Hulimahu Hásuumaahu loon Saŋ akiic homuu 3:27

Saŋ li aaniil: — An ayilaat abaj wah Ateemit basenutool wo.

Bakaanelabu 1:16

— Kutuyom, wahawu wan Buyinumabu Banabaabu bulobumuu li Bakiicelabu búkibben, ufinfin min wóotiye ubaj. Buyinumabu Banabaabu búlobunlobum li butumabu bata Dayit mata Sudaas búkibben, áyabulumuu kayooŋaku kata bukanabuku kajokumuu Yéesu.

Bakaanelabu 1:24

Nan kusenumuu ujawawu kuban, buko foofiil feh li kul̥aw loon muñeˈe: «Amaaŋen, awu luhaase wahawu wammuu li buyinumabu bata anoowan feh. Uhíisoli ayi li umbuke kúl̥uba lul̥usumuu,

Bakaanelabu 10:19

Emmuu Fiyeel okila baloŋe li kayinoolaku min ahaas waa Ateemit afañe alobool li kahimmowaku unku, muñeˈe Buyinumabu Banabaabu li boonool: — Ujanten, baje kánayine kúhaaji kaŋese li awu.

Bakaanelabu 10:20

Uyito uwalo min ujow jinaboo, ban jakum úwettoo, mata ínje íboñuliil.

Bakaanelabu 13:2

Li líiŋ hunak hakee, buko balakowe kal̥aw Amaaŋenawu li kamommo ló, Buyinumabu Banabaabu li booniil: — Jikaanom li kakaŋ Balunabaas buko li Sóol boot li bulokabu ban ihooñiilumuu boot min kukaan.

Bakaanelabu 15:14

Simoŋ lalobolaalob buu Ateemit acookoomuu yaan no li húkitumahu, bukanabuku kákaanumutumuu li okila balewool, min al̥usum li buko bukan kulako koola.

Bakaanelabu 15:2

Fool buko li Balunabaas li kuceeŋiil. Li kubaj búwonnoo báamak li buko mata hulimahu unhu. Muñeˈe li kujamoo min Fool buko li Balunabaas kunaboo li bukan kukee kata Antiyok, kujow boot Yeelusalem kujow kulob mata hulimahu unhu li kufootalaku li kunahaanaku kata ejanguwayi.

Bakaanelabu 15:39

Fool buko li Balunabaas li kuñakoo to ŋáa’ yok kukatoo. Balunabaas li aŋa’ Maak kújufo li ébato, min kujow boot Ciif.

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Bakaanelabu 21:16

Kúgoom kata Yéesu káfulumulo Sesaale li kútiŋenoli. Lí kújowetumoli boot bata ánayine akee ata Ciif an koone Munaasoŋ ban jóotimuu jiwalen. Munaasoŋ lakankaan ágoom áyinene li Yéesu nan fiyowe.

Bakaanelabu 3:18

Bale Ateemit lalollob ákibben li utum wata kufulofetaku fan álaam. Wahawu unwu lakaanumuu min ubaj.

Bakaanelabu 4:25

Awu humumi úlobummuu, li sembe sata Buyinumabu Banabaabu, li butum bata átuubawoli ahaan Dayit, ammuu aloka ooli oon: «Wáa újiye búsukabu feh li buyitowul li etindihuuñ ló? Wáa újiye li kunaak kukaal̥o li kúsonoo boot li Amaaŋenawu?

Bakaanelabu 9:15

Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.

Kata Fílib 2:14

Jikaan wahawu feh bámummunoolut, báwonnoolut,