Fúlum tó, Aana li ahok áyinool ban li alako to boot yok nan abajumuu simit kúyii kubakii li sibakii. Anaakut áfu’ li Eluufayi yata Ateemit, min inaak alok boot li Ateemit etihunaka aban ehuka, li kamommo li kal̥aw ló.
Bakaanelabu 13:3 - Jola-Kasa Muñeˈe li kumommo min kul̥aw kuban, li kuŋa’ kuŋeniil kuwalen li buko ban li kukatiil min kujow. |
Fúlum tó, Aana li ahok áyinool ban li alako to boot yok nan abajumuu simit kúyii kubakii li sibakii. Anaakut áfu’ li Eluufayi yata Ateemit, min inaak alok boot li Ateemit etihunaka aban ehuka, li kamommo li kal̥aw ló.
Nan kusenumuu ujawawu kuban, buko foofiil feh li kul̥aw loon muñeˈe: «Amaaŋen, awu luhaase wahawu wammuu li buyinumabu bata anoowan feh. Uhíisoli ayi li umbuke kúl̥uba lul̥usumuu,
Li líiŋ hunak hakee, buko balakowe kal̥aw Amaaŋenawu li kamommo ló, Buyinumabu Banabaabu li booniil: — Jikaanom li kakaŋ Balunabaas buko li Sóol boot li bulokabu ban ihooñiilumuu boot min kukaan.
Balunabaas buko li Sóol, kan Buyinumabu Banabaabu buboñumuu, li kujow boot li ésukayi yata Sélaasi, min kújowum tó li ébato boot li étebelemukayi yata Ciif.
Li kul̥us li ejangu yanooyan bukan kulako kunahaan, ban nan kumommomuu min kul̥aw kuban, li kuŋaliil kukat li kuŋen kata Amaaŋenawu an kúyinenumuu li akila.
Li kújufowum tó Atali li ébato boot Antiyok, yammuu ésukayi tan kuŋaliilumuu kukat li kájiyaku kata Ateemit boot kakaan bulokabu ban kukaanumuu.
Fool akila li al̥us Silaas, min kutuyiil káyinenumuu kul̥aw min kájiyaku kata Amaaŋenawu kulako li buko, ban li kuwuj.
Nan kul̥usiilumuu kuban, li kuŋaliil kujow kúhiis kufootalaku, min kuŋa’ kuŋeniil kuwalen li buko, ban li kul̥aw boot li buko.
Muñeˈe Ananiyaas li ajow aŋej li eluufayi, li aŋa’ kuŋenool awalen li Sóol ban li aanool: — Atuyom Sóol, Amaaŋenawu Yéesu áboñulom. Okila áfulimuu li bútinabu ban ubilummuu li bo. Láboñulomboñul mantee li ulaañen ujuk, ban Buyinum Banabaabu li bulako li awu ŋáa’.
Buu koote kuyili kuwaale moola, bukan baboñuti boot kawaale moola? Loon Bakiicelabu bulobumuu: «Mo kite súum nan bukanabuku kawaaleyemuu Hulimahu Hásuumaahu kúliiŋulemuu!»
Jakum ubet to kájiyaku kan Buyinumabu busenimuu, kan uyabumuu nan kufulofetaku kulobumuu mooli, li nan kunahaanaku kuŋalumuu kuŋeniil kuwalen li awu.
Jakum usommen uŋa’ kuŋeni uwalen li an, jakum uŋa’ butumi ukaan li kahoofoo kata an. Ukaan awu humumi min ulako an anabe.
Mó mújimuu, boot min iwayil̥eni eeni: jakum ukat kájiyaku kan Ateemit asenimuu nan iŋalumuu kuŋenom iwalen li awu min il̥aw, min kuket.
Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.
Kulollob mata húbooliyahu hooli hákil ejanguwayi feh. Fan jak ŋáa’ awu balambeneliil li kañaahoolaku kooliil, kalamben kásuume Ateemit.
Mó mújimuu alolaal lootaale uyabaal bukan loon umbuku, mantee li ulambenaaliil li bulokabu ban kommuu li kakaanaku min mal̥egenamu muhaasi.