Li mal̥egenamu fan ilobuul, tanootan tan Hulimahu unhu Hásuumaahu huwaaleyi li adunaayi feh, fan kulob foof wahawu wan anaalaawu ummu akaanumuu, min awayil̥oyi.
Bakaanelabu 10:4 - Jola-Kasa Kooluney li ajuke amalakaawu li ekole ló ban li aanool: — Waa ubaje, Amaaŋen? Amalakaawu li aanool: — Ateemit layayyab ul̥awawu wooli, ban súumoosuum li kalambenaku kan ulambenemuu kusukateenabuku. Amojenuti. |
Li mal̥egenamu fan ilobuul, tanootan tan Hulimahu unhu Hásuumaahu huwaaleyi li adunaayi feh, fan kulob foof wahawu wan anaalaawu ummu akaanumuu, min awayil̥oyi.
Emmuu kanaalaabuku kúkolikoli ŋáa’, li kúsiten. Kánayinaabuku kúl̥ubaaku li kooniil: — Wáa újiye li joono li huŋes li kaketumuu, anawu aanomuu li buloŋ?
Li aanom: «Kooluney, Ateemit layayyab kal̥awaku kooli ban amojenut kalambenaku kan ulambenemuu kusukateenabuku.
Anáyinaawu li alako bajanten kulimaku kan Fool alakomuu elobayi. Muñeˈe Fool li ajukelool súy, li ahaas aan ánayinaawu labaje káyinen kayilo kújiwool li afak.
Muñeˈe li igel̥l̥en een: «Muñeˈe boot min ikaan buu, Amaaŋen?» Amaaŋenawu li aanom: «Uyito ujow boot Damaas, úliiŋ bomuu fan kukitteni wahawu feh wan Ateemit afañumuu min ukaan.»
Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.
Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.
Li mal̥egenamu, Ateemit alet Ateemit acolut. Let amojen wahawu wan bukuluul jikaanumuu, let amojen foof húbooliyahu han jíhiisoolumuu li bulokabu ban jikaanumuu boot li bukanabuku koola, ban jiloŋumuu foof li jikaan boot muñeˈe.
Hakoolahu hata ecuulaayayi li hata ul̥awawu wata bukanabuku kata Ateemit, li húfulumul li kaŋenaku kata amalakaawu hákil Ateemit.