Kata Fílib 4:6 - Jola-Kasa

⁶ Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

Kata Fílib 4:6 Referencias Cruzadas

Máciya 10:19

Bale nan kommuu kujokuul kújowetum bata tilibinaalayi, jakum jiyinoo waa jommuu li jilob, mantee foof buu jommuu li jilob wo eeno. Kulimaku kan jommuu li jilob, fan jiyab ko yaan no.

Máciya 13:22

Etaamayi yata banuunukenabu bata úbujaawu dán sígulasu silomuu, yo yommuu anawu ajamumuu Hulimahu hata Ateemit aban, uyinoolawu wata buloŋabu bata muñeˈe, li jabuntaju jata kásuumaku kata ebajayi, li kúgoben Hulimahu, min jí anawu li áloŋaati loon Hulimahu hulobumuu.

Máciya 6:34

Jakum jiyinoo ŋáa’ yata kajom, mata kajom fan jibaj uyinoo wakee. Hunakoohunak sílaam ho sifite.

Máciya 6:8

Mó mújimuu jakum jiliikoo li buko, mata Atuubawuul Ateemit lahaase wahawu wan jifañumuu jítowum jil̥aw wo.

Hulimahu Hásuumaahu loon Lík akiic homuu 10:41

Amaaŋenawu li aanool: — Maaluta, Maaluta luyinooyinoo ban li oono li kalilliwoo mata wah wameeŋe.

Hulimahu Hásuumaahu loon Lík akiic homuu 12:22

Fúlum tó, Yéesu li aan kúgoomaku koola: — Wahawu unwu újimuu li eenuul: Jakum jiyinoo mata buloŋuul, min joon waa jóomi li jitiñ. Jakum foof jiyinoo mata eniiluul min joon waa jóomi li jikoko.

Hulimahu Hásuumaahu loon Lík akiic homuu 12:29

Bukuluul kama, jakum jiyok li huŋes wahawu wan jommuu li jitiñ, li wahawu wan jommuu li jihob, ban jakum buyina bujokuul.

Hulimahu Hásuumaahu loon Lík akiic homuu 18:1

Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.

Hulimahu Hásuumaahu loon Lík akiic homuu 18:7

Waa, Ateemit akila let atiib min akooŋen bukanabuku koola kal̥okoolewoolumuu etihunaka kuban ehuka mantee li alambeniil? Waa, fan akat to fiyo átowum alambeniil?

1 Kata Koolent 7:21

Kaanumuu loon amiikeel lulakowe nan Ateemit ahooñimuu, jakum uyinoo wahoowah. Bale ubajumuu bútin mata mín úfu’ li humiikeeletowahu, újowum li bo min úfu’ lí hó.

1 Kata Koolent 7:32

Lifañeene min buyina banooban búfu’ li bukuluul. An ayabut fan ayinoo mata wahawu wata Amaaŋenawu. Fan aŋes min akaan Amaaŋenawu súum.

2 Kata Koolent 1:11

Bukuluul humumuul foof jumbuku min jilambenemuu li áloli li ul̥awawu wooluul. Mó mújimuu Ateemit fan ákaanoli majake, humum hata ul̥awawu wata bukan kameeŋe. Wahawu unwu újimuu foof bukan kameeŋe fan kusal Ateemit boot li áloli.

Kata Efées 5:20

Jisal nanoonan Ateemit Atuubaawu mata wahawu feh wan akaanumuu boot li bukuluul, li kajawaku kata Amaaŋenawu oololaal Yéesu Kilisita.

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Kolos 3:15

Kásuumaayaku kata Kilisita kulako li uyinumawu wooluul li sembe. Kásuumaayaku unku kújimuu Ateemit li ahooñuluul boot min jilako an ano. Naak jisalool nanoonan.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

Kata Kolos 4:2

Jihanken li kal̥awaku ban li jijooŋoo to li ko, min jinaak jisal Ateemit.

1 Tímote 2:1

Boot min ijand iwankulenuul min jinaak jil̥aw Ateemit boot li bukanabuku feh, li jiyaakoolool ban li jilobool wah wan jokuul li wo, li jinaak foof jisalool.

1 Tímote 5:5

Anaale ahoke áyinool ban abajut an áami li acookoolool, li Ateemit lákangume. Let akat kal̥awool li kayaakoolool etihunaka aban ehuka min alambenool.

1 Fiyeel 4:7

Kabanaku kata wahawu feh kúkoojulo. Jilako bukan kájallowe ban jakum jiwuuhen li wahoowah, min jinaak jil̥aw.

1 Fiyeel 5:7

Jiŋa’ buyinaabu booluul feh jiwalen li Ateemit, mata fan alambenuul.