2 Kata Koolent 7:4 - Jola-Kasa

Libabbaj kákangum káamak li bukuluul, ban súumonsuum li bukuluul ŋáa’. Li sílaamasu sóololi feh, libabbaj kawankulen káamak, ban ésuumansuum yaluuke ŋáa’ li yoono lí ínje.

2 Kata Koolent 7:4 Referencias Cruzadas

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

Kata Lom 5:3

Li famen to foof ésuumansuumayi yan ubajaalemuu ololaal li sílaam, mata luhaasaale oonaal sílaam lakaanekaan an ayili húmuñ.

1 Kata Koolent 1:4

Ikatut kasal Ateemit úmbaam boot li bukuluul, humum hata kájiyaku kan asenumuulumuu li Yéesu Kilisita.

2 Kata Koolent 1:14

maayeet min kite eenimuu muñeˈe bugeb bale jínaanumoli joon: li hunakahu hata ebilayi yata Amaaŋenawu oololaal Yéesu, bukuluul fan súumuul li áloli, loon áloli foof emmuu súumoli li bukuluul.

2 Kata Koolent 1:4

Látintimbenewolaatintimben li sílaamasu soololaal feh, bájum li uyiliyaal újowumaal li kátintimbenaku kan alolaal humumolaal ubajaalumuu li akila, min útintimbenaal bukanabuku kammuu li sílaam sanoosan.

2 Kata Koolent 10:8

Li mal̥egenamu, maayeet min kite eeni lisaloolosaloolo ijow iwuuhen jatit mata kakaañenaku kan Amaaŋenawu ásenolimuu boot kalitenuul, bale inti boot kakajenuul, ibajut to ñisuu ñanooñan.

2 Kata Koolent 11:21

Lisuusuumuu min ilob mo: kama áloli búgootowoli bújimuu jikaanutuul wahawu unwu. Boot min ilob loon an awele: wah wan kukee kukaañene kúsaloolowum li wo, ínje humumom foof liyilo ísaloolowum li wo.

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

2 Kata Koolent 3:12

Kákangumaku unku kan jibajumuu kújiwoliji li jilob li bukanabuku li káwoolu káamak ló.

2 Kata Koolent 7:14

Nokoomuu loon líhiisoohiis jakee ésuumansuumayi yan ibajumuu li bukuluul, jisuuwenutom. Loon jilobewuulumuu nanoonan mal̥egen, mo foof kasalaku kan jisaluulumuu hákilool kommuu wah wata mal̥egen.

2 Kata Koolent 8:24

Kama jíhiisiil kaanaku jíbooliyiibooli li mal̥egen, min sijanguwasu síyinen, ban li sihaas soon min áloli jibajumuu ésuumansuum li bukuluul, jikooŋe.

Kata Fílib 1:14

Kameeŋe li kutuyolaal li Amaaŋenawu, nan kuhaasumuu koon ínje ummu li hukul̥ahu li kubaj kawankulen, muñeˈe li kuhaŋ mabaj kakaañen min kunaak kulob Hulimahu hata Ateemit, ban mabajut ekole yanooyan.

Kata Fílib 1:20

Wahawu wan ikobemuu li wo ŋáa’ li wan íkangummuu li wo, wo wommuu jakum ibaj ñisuu li wahoowah, bale libaje kákangum káamak kaanaku muñeˈe loon foof nanoonan, maluukamu mata Kilisita fan múhiisi li eniilayi yúmbaam, lako li buloŋom mantee foof li eketom.

Kata Fílib 1:26

mantee nan ínje emmuu ilaañen ílaañul booluul, kasalaku kan jibajumuu li Yéesu Kilisita, li kuhaŋ maluuk mata ínje íji.

Kata Fílib 2:17

Káyinenaku kooluul kulakolako kasila kan jikaane boot li Ateemit. Nokoomuu loon boot min húsimahu húmbaam húyuwi min lako búsimen famen to kooluul, kama fan súumom, ban bukuluul foof fan súumuul.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

1 Kata Tesalonik 2:19

Li mal̥egenamu, inti bukuluul humumuul foof jommuu li jíjiwoli li jibaj kákangum, li ésuumansuum, li éjambiyayi yan jóomimuu li jísangoolum li yo hákil Amaaŋenawu oololaal Yéesu Kilisita, nan ammuu li abil?

1 Kata Tesalonik 2:2

Jihaase foof buu kúlaamenoli nomuu ban li kúgeloli li ésukayi yata Fílib. Bale Ateemit láwankulenoliwankulen min jiwaalewuul Hulimahu Hásuumaahu hoola, maayeet min kúhilolimuu.

2 Kata Tesalonik 1:4

Mó mújimuu, áloli húmumoli li jinaak jisaloolo mooluul li sijanguwasu sata Ateemit, mata min bukuluul jítukumuu lit ban li jiloŋ li jíyinen li Yéesu, maayeet min bukanabuku kúlaamenuulumuu ban li kuyokenuul ŋáa’.

Filemoŋ 1:7

Atuyom, húbooliyahu hooli hújiwonji li ibaj ésuumansuum yáamak li kawankulen, mata lújiji uyinumawu wata bukanabuku kata Ateemit li ubah.

Saak 1:2

Kutuyom li kúliinom káyinenumuu li Yéesu, ésuumansuum yáamak elako li bukuluul, bukuluul babaje sílaam sanoosan.