2 Kata Koolent 7:3 - Jola-Kasa

³ Ilobut loon muñaˈa boot kawatatenuul, mata loon ilob nomuu, bukuluul jumbuku li uyinumawu wóololi, ban bajut wah wayilo úfulenuul li úyinumoli, inti eketayi inti foot buloŋabu.

2 Kata Koolent 7:3 Referencias Cruzadas

2 Kata Koolent 11:11

Ban wáa újiye li ilob loon muñaˈa? Waa, ínje fíle ifañutuul? Let mo! Ateemit lahaase aan lifañuufañ.

2 Kata Koolent 12:15

Injé fan súumom ŋáa’ min íbuj wahawu wan ibajumuu feh, ban li isenoolo ínje humumom feh boot li bukuluul. Nokoomuu loon ínje lifañuufañ ŋáa’, waa bukuluul fan jifañom jatit?

2 Kata Koolent 13:10

Wahawu unwu újimuu li ikiiculuul kulimaku unku nan íloyimee, jakum bil ilako li bukuluul, li íjowum li huhaanaahu han Amaaŋenawu asenommuu, min ilobuul kulim kal̥aal̥e. Huhaanaahu unhu lasenonsen ho boot kalitenuul, bale inti boot kakajenuul.

2 Kata Koolent 3:2

Eleetalayi yóololi yo yommuu bukuluul humumuul. Ekiicikiic li uyinumawu wóololi, ban bukanabuku feh kuhaas yo, kujangajanga yo.

2 Kata Koolent 7:12

Min ikiiculuulumuu let mantee anawu atilumuu ájiye, let foof mantee anawu an kutilumuu li akila ájiye, bale boot min íhiis set hákil Ateemit, kahankenaku kan jibajumuu boot li áloli.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

1 Kata Tesalonik 2:8

Jíbooliwuubooli ŋáa’ gay mó lí múji li jifañeen min jisenuul Hulimahu Hásuumaahu hata Ateemit, li foof buloŋabu bóololi humum bo, mata jikankaan bukan kan áloli jiboolaat.