2 Kata Koolent 2:14 - Jola-Kasa

¹⁴ Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

2 Kata Koolent 2:14 Referencias Cruzadas

Hulimahu Hásuumaahu loon Saŋ akiic homuu 16:33

Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.

Kata Lom 1:8

Boot min ijand ísalum Ateemit úmbaam li kajaw kata Yéesu Kilisita humum hooluul, mata bukanabuku kulobelob mata káyinenaku kooluul tanootan li etaamayi.

Kata Lom 15:19

Buyinumabu bata Ateemit bújowunjowum lí ínje min bukaan búhiisenum banooban bájaahaleniye. Muñowu liwaalemuu Hulimahu Hásuumaahu hata Kilisita tanootan, kítum Yeelusalem boot yok li etaamayi yata Iliili.

Kata Lom 6:17

Ateemit ajow asali: bukuluul jalakomuu naanaŋ emiikeel yata kahoofoo, muñeˈe jítuttuul li uyinumuul feh hulimahu han kuliikenuulumuu.

Kata Lom 8:37

Bale li wahawu unwumaa feh, li uhaŋaal mabaj kaheek kabilumulo li Kilisita ábooliwolaamuu.

1 Kata Koolent 12:8

Buyinumabu fan busen akee káji kata bújallo li elob, aahu Buyinumabu banolabu li busenool hulim hata kahaasemiñ.

1 Kata Koolent 15:37

Wahawu wan ommuu li ul̥uk, let anuunukenawu ammuu li al̥iil, bale ekool humum yo, lako yata edenfeteŋ mantee foof yata wah ukee.

1 Kata Koolent 15:57

Bale usalaal Ateemit, ásenumolaamuu kaheekaku li Amaaŋenawu!

2 Kata Koolent 1:11

Bukuluul humumuul foof jumbuku min jilambenemuu li áloli li ul̥awawu wooluul. Mó mújimuu Ateemit fan ákaanoli majake, humum hata ul̥awawu wata bukan kameeŋe. Wahawu unwu újimuu foof bukan kameeŋe fan kusal Ateemit boot li áloli.

2 Kata Koolent 8:16

Ateemit akaanumuu li buyinumabu bata Tit kahanken min alambenuul loon áloli, ajow asali.

2 Kata Koolent 9:15

Ateemit ajow asali mata kájiyaku koola kan an ayilaatumuu alob mata ko.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

Kata Efées 5:20

Jisal nanoonan Ateemit Atuubaawu mata wahawu feh wan akaanumuu boot li bukuluul, li kajawaku kata Amaaŋenawu oololaal Yéesu Kilisita.

Kata Fílib 4:18

Liyabe wahawu wan jíboñulommuu feh, uhaha boot lí ínje. Muñeˈe nan Efáfulodit asenommuu wahawu wan jíboñuloomuu lí ínje, laañut jokom li wahoowah. Wahawu feh wan jíboñulumuu unokoonokoo loon esalah yásuume ŋáa’, yan Ateemit ayabe ban li ésuumool.

Kata Kolos 1:23

Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.

Kata Kolos 1:6

Hulimahu unhu Hásuumaahu hunhu min huyiisoolemuu, ban li húŋalul kásooniyen li adunaayi feh, loon foof hukaanumuu li bukuluul yaan li hunakahu hútinaalahu, nan jijamumuu li kulobuul mata kájiyaku kata Ateemit li mal̥egenamu mata ko feh ban li jiliitiken ko jak.

Kata Kolos 2:15

Muñeˈe Ateemit li abot sembaasu sata uyinumawu feh wajakutumuu, li sata kunahaanaku kata wo feh, ban li ayiiŋen wo hákil ésukayi feh, ban foof li akaan wo únabul kata búsol kayooŋaku kata Añoolool aheek womuu.

1 Kata Tesalonik 1:8

Li mal̥egenamu, hulimahu hata Amaaŋenawu booluul húfulummuu. Ban inti li etaamayi yata Maseduwaan li yata Akaay bale hujami. Bale kaciimanciimaku kata káyinenaku kooluul li Ateemit kujamijam foof tanootan. Mó lí múji laañut jókoli min jilob mata ko.

1 Kata Tesalonik 3:9

Li mal̥egenamu, jihaasut buu jóomi li jisal ŋáa’ Ateemit oololaal mata bukuluul jíji, mata ésuumansuumayi feh yan jíkaanolimuu hákilool.

1 Tímote 2:8

Lifañe kama tanootan feh, kánayinaabuku li kuteb kuŋeniil kanabe min kul̥aw, ban jakum kukaan mo li etindihuuñ ló mantee foof li búñakoo kulim ló.

2 Tímote 2:2

Wahawu wan újamummuu lí ínje hákil bukan kameeŋe, ulob wo bukan kan úwooluwe, kaate kuyili buko humumiil kuliiken wo foof kukee.

Búhiisenumabu 7:12

koon: «Aameen! Ateemit oololaal laate amaneni, Okila akilumuu máyiineniyamu li bújallowabu. Usalaalool ban li úbinkenaalool. Lababbaj sembaasu ban li akaan Ateemit ata sembe boot nanoonan. Aameen!»