Miquéias 4:5 - Kaxinawá Bíblia (BR)

Haskabiashanaya ikis yura shukuabu betsa betsapabũ hatũ mekenika yushibu nĩkakĩ ha txibãkanikiki. Hamẽ nukubunã, nukũ mekenika Senhor Deusũ yusĩti hãtxa nĩkakĩ ha heneama nũ ha txibãkubainaii.

Miquéias 4:5 Referencias Cruzadas

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Salmos 20:6

Senhor Deusbe hãtxakĩ nũ yuka hawẽ mae meribi naiurishũ hawẽ kushipa itamamawẽ nuku merabewakĩ nuku binumamis ẽ unaiĩ, hawa shinã betsa wamarã. Haskakẽ shanẽ ibu katunishũ hatu maemamamis ẽ ikũwaiĩ.

Isaías 2:5

Jacó enabuũ, Senhor Deusũ yusiã pepa shaba keska txibãbaini hawẽ hiwei taeribainãkãwẽ!

Hechos 14:16

Ũ unu bari betsatiã mai hirabi anu yura betsa betsapabũ hatũ xinãnẽs hawara txibãkubainaibu Deusũ hatu beruwẽs uĩyukubaĩbiakĩ

Colosenses 2:6

Haskakẽ mã ma Jesus Cristo ikũwãkubainaiburã, matũ Shanẽ Ibu Cristo hiweshunirã, haska abuai keska ishũkubaĩkãwẽ.

Colosenses 3:17

Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.

Josué 24:15

Hakia Senhor Deus mã duawakatsi ikama haratu yushinĩ hãtxa mã txibãkatsi ikimẽkaĩ, ikis katukãwẽ. Henewã Eufrates ukeri matũ shenipabũ yushĩ betsa betsapa habũ kẽwãpauniburã, habumẽkaĩ. Nenu hiweshũ Amorreu nawabũ yushĩ betsa betsapa habũ kẽwaĩbumẽkaĩ, matũ shinãkãwẽ. Hakia ẽ aĩ inũ ẽ bakebubetanã, Senhor Deus duawakĩ nũ txibãpakeshanaii, heneamarã— hatu waya