Miquéias 4:4 - Kaxinawá Bíblia (BR)

⁴ Haskawẽ taea dasibi ana hawawẽ dateama hiwekubaĩshãkanikiki. Hatũ uva bana nishi manaũri beshea inũ hatũ hi figueira bimi batapaya namã uta unanuma huĩrukuĩ manishãkanikiki. Senhor Deus kushipahaira dasibi binu keyuatũ huni betsã hãtxawẽma hawẽ hãtxawẽ ibubis matu yuikiki.

Miquéias 4:4 Referencias Cruzadas

1 Reis 5:5

Senhor Deusũ ẽ epa yuikĩ: ‘Mĩ shãtukũ hau Israelĩ enabu yunui shanẽ ibuhairakũkaĩshanũ mĩ bake katukĩ ẽ kushipa waiwẽ taeshũ hatũ ẽ kẽwãti hiwe ea ashũshanikiki’, akĩ ẽ epa yubaniwẽ taeshũ ẽ mekenika Senhor Deus hanushũ kẽwãti hiwe templo hawẽrua ẽ ashũkatsis ikaii.

Jó 11:19

Mĩ hatu merabewatiru mia benai mia anu bebirã bebirãbiakĩ mĩ huĩrukuĩ daka tsuã mia dateama ishãkanikiki.

Provérbios 3:25

Senhor Deuski mĩ txiti ika hatũ hawẽ pepawẽ mia inãkubaĩshanikiki, babui mĩ hawẽ dateyamanunã. Hanua hawara mesehaira huaitiã mia mekekĩ nemashuna ha mesẽ mia atxiama ishanikiki. Ha inũ, hunibu txakabu mibe hiweabu hatu kupikĩ yamawaya mĩ hawa dateama ikũkaĩshanaii.

Isaías 1:20

Hakia shinã betsakatsi ikama hẽ iyamai danananaĩ sinatai mã heneamarã, tsuã ana matu merabewama detenameaibu anua mã mawashanaii”, ikĩ ibubis Senhor Deusũ matu yuishuki.

Isaías 32:17

Hawẽ yunuti kushipa pepa beneirã, hawa hawẽ datetima unanuma hiweti ipakeshanikiki.

Isaías 40:5

Mã ma haska washũkẽ hanushũ Shanẽ Ibũ hawẽ kushipa pepa hatu uĩmai huaya dasibi yurabu haki itxashũ uĩshãkanikiki. Hamebi Shanẽ Ibũ haska yuikiki”, ikaya

Isaías 54:14

Ẽ yunuti pepa kushipatũ mia mestẽwã ana mia itxakawakĩ tsuma wama inũ mĩ ana hawaki dateama ishanaii. Mĩ date paepamis ana txĩtũkirã mia atxiama ishanikiki.

Isaías 58:14

Mã haskakubainaiburã, ea anua matũ benima pae mã bikubaĩshanaii. Matuki sinataibu ẽ kushipawẽ matu maemamatã matũ mae anu ana iyushũ ẽ matu shanẽ ibu washanaii. Matũ shenipabu Jacó ẽ yubani keska matubu ẽ matu inãshanaii, mã hawẽ benimashanũbunã”, ikĩ Senhor Deus kayabitũ hawẽ hãtxa haska mestẽwãkĩ yuikiki.

Jeremias 23:4

Hau ana datei hiweyamakubainũbũ hatũ mekenika tibi watã ẽ hatu mekemashanaii, hau hawa nuitapayamanũbunã. Ea ẽ Senhor Deusũ ẽ hãtxa ẽ mestẽwaiĩ”, itã

Miquéias 5:3

Haskabiashanaya natiã nawabũ matu itxakawakĩ hau matu kupinũbũ Senhor Deusũ ana matu mekeama Israelĩ enabu Senhor Deusũ matu ma heneaki. Hakia aĩbu tuyakẽ hawẽ huni bake kaiaĩ manaibũ Israelĩ enabu txaihaira anu hatu iyunibu hatũ matu txĩtũwãbirã ana matunabube matu dasiwashanikiki.