Josué 23:6 - Kaxinawá Bíblia (BR)

Haskakẽ nawa betsa betsapabu mã nitxĩriama mã hatu haibuwatã, hatũ yushibubu kena mã yuiyamashanũ inũ, hatũ yushibubu datã akĩ huni betsa mã yubamayamashanũ inũ, hatũ yushibubu mã duawayamashanũ inũ, hatũ yushibubu kẽwaĩ mã dãti iyamashanũ, haskawẽ taeshũ hawẽ unãmati una merã Moisĩ matu keneshuniki, matu nemakinã. Bai tanabainai keska wakĩ yusiuri inũ yusmauri dabekeama haska Moisĩ matu keneshuni txibãkĩ hawẽ nemati tibi nĩkakĩ hawẽ yunuti tibi akubaĩkĩ uĩrapakeshãkãwẽ, kushipai mestenepairã.

Josué 23:6 Referencias Cruzadas

1 Reis 2:3

Eamaki mẽtsisipai huni kushipakũkaĩshãwẽ. Hanira mĩ kai inũ hawara mĩ akubainai hau Senhor Deusũ mia merabewakubaĩshanũ haska Moisĩ keneni hawẽ yunuti inũ hawẽ nemati inũ dasibi haska betxipaiai unãkĩ haska mĩ mekenika Senhor Deusũ mia yunuai keska besti akubaĩshãwẽ.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

Deuteronômio 12:32

hanushũ Moisĩ ana hatu yuikĩ: “Haska ẽ matu yusĩkĩ yunukubiranai akubaĩkĩ henetaskayamashãkãwẽ, hãtxa betsa tere akama inũ hãtxa betsa txitxikĩ betsa wamarã.

Hebreus 12:4

Ha inũ, txakabu tibi binui mã bika tenekubainai Jesus nuku ishuni keskai tsua mã mawariamaki.

Apocalipse 21:8

Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.