Apocalipse 21:8 - Kaxinawá Bíblia (BR)

⁸ Hakia hamẽ ekiri hãtxabiai eki dakemis inũ, eki petxia hawa xinaĩsbuma inũ, yura betsabe danãnanãmisbu inũ, yura betsa tenãmisbu inũ, txutanamebaũmisbu inũ, mukayakĩ Satanásã kuxipa yukamisbu inũ, yushĩ dami betsa kẽwãmisbu inũ, txani txakabaũmisbu habu dasibi ẽ kupia hanu buirã, ha iã hanu enxofre menui here hi hi ikai anu ha hatũ dabeki mawa meshãkanikiki”, ea wa ẽ matu keneshunaii.

Kashinawa : Diosun Jesúswen taexun yuba bena yiniki

⁸ Jakia jameen ekidi janchabiai eki dakemis inun, eki pechia jawa shinainsbuma inun, yuda betsabe dananananmisbu inun, yuda betsa tenanmisbu inun, chutanamebaunmisbu inun, mukayakin Satanásan kushipa yukamisbu inun, yushin dami betsa kenwanmisbu inun, chani chakabaunmisbu jabu dasibi en kupia janu buidan, ja ian janu azufre menui jede ji ji ikai anu ja dabeki mawa mexankanikiki”, ea wa en matu kenexunaii.

Apocalipse 21:8 Referencias Cruzadas

Provérbios 19:5

Hawara uiãma inũ uĩbiatã txanitxakamisburã, habunã, hatũ kupiti txakabu binuama bishãkanikiki. Txani txakamisbu hatũ txakabuwẽ taeshũ hawa unanuma wakĩ hatu mepãmakĩ pewama ishanikiki.

Provérbios 19:9

Hawara uiãma inũ uĩbiatã txanitxakamisburã, habunã, hatũ kupiti txakabu binuama bishãkanikiki. Txanitxakamisbunã, hatũ mawa besti manamisbuki.

Malaquias 3:5

Senhor Deus kushipa dasibi binu keyuatũ ana matu yuikĩ: “Eã matu unãti watã txakabu inũ pepabu matu kupi ẽ hushanaii, eska hiwemisburã: yushĩ txakabũ kushipa hayabu inũ, hawẽ aĩma inũ hawẽ benemabe txutanamebaũmisbu inũ, yura betsa yubakai txanitxakamisbu inũ, tsuãra dayarubu inũ aĩbuaibu ma hawẽ bene mawabu inũ bakeishta ibuumabu itxakawakubaĩmisbu inũ, nawa betsabu beaibu hatu itxakawamisbu inũ, ewẽ datei ea nĩkaisbuma hatũ txakabuwẽ taeshũ ẽ hatu kupi hushanaii”, iwanã,

Mateus 10:28

Ha inũ, tsuabũra matũ yura besti tenãtirubuwẽ dateyamashãkãwẽ, tenãshũ matu ana itxakawapaketirubumakirã. Haki besti mesei mã datekubainũbũ matu yuinũ nĩkakãwẽ. Tsuãra matũ yushĩ tenãtã txi nukaismanu hawẽ kuxipawẽ matu yunutiru bestiki mesei datekubaĩkãwẽ, Deuskirã. Ikũkĩ ẽ matu yuiai ha bestiki datei mesekubaĩshãkãwẽ.

Mateus 8:26

bestẽtã hatu yuikĩ: —Haskai mã dateai? Mã ea ikũ kayabiwariamamẽ?— itã benikawã niwẽwã inũ iãnẽwã buspu tsaubiranai nemakĩ: —Nesewe. Peswe— aka niwe maĩ neseaya iãnẽwãri betxuruni maiãyã

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

2 Tesalonicenses 2:9

Ha huni txakabu hawẽ shanẽ ibu Satanásã kuxipa wakĩ merabewaya dami atimaska betsa betsapa wakĩ yurabu parãshanikiki.

1 Timóteo 4:2

Ha yurabu beparamenikabu inũ txanitxakanikabũ habu hawaki dakeisbuma habũ hatũ yusĩa txibãshãkanikiki.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

Hebreus 12:24

Ha dikabi Jesusũ hawẽ yuba bena nuku washũkinã, mawai hawẽ himi habakĩ Abelĩ himi binuniki, hawẽ taeshũ Deusũ nukũ txakabu nuku buashũti wakinã. Hamẽ Abelĩ himirã, hawẽ taea Deus sinatai hawẽ yupukunaniki, tsuã txakabu buatimarã.

Hebreus 13:4

Ha inũ, txutanamebaũmisbu inũ beneyabia inũ aĩyãbia txakabui kemumisbu Deusũ hatu unãti watã kupiakeakeshanaiwẽ taea tsuãra ikũwaĩ aĩyãtã betsawẽ ana kemuama ha besti uĩ haska mã abunamerabeai mekei habe hiwekubaĩkãwẽ. Beneyatãri betsawẽ ana kemuamari ha besti uĩ haska mã abunamerabeai mekei habe hiweriakubaĩkãwẽ.

1 João 2:22

Hakia tsuabu ikanimẽkaĩ, Cristoki txani txakai parananaĩnã? Habu parananãkĩ hakiri hãtxakĩ yui: “Jesusrã, Deusũ Katua Messiasmaki”, ikaiburã, ha hunĩ hawẽ kuxipa mebinũ ika haki beparamekĩ hawẽ Epa inũ hawẽ bakeki sinatakĩ hatuki dakekenanamemaikiki.

1 João 3:15

Tsuara ikũwaĩbu betsawẽ nuiama dakekenãmisrã, huni pubẽki. Ha huni haskaburã, hamebi hatũ hiwekuĩa hayatiruma mã unaiĩ.

1 João 5:10

Tsuãra Deusũ bake ikũwaĩnã, hamebi hawẽ huĩti merã ha kaka haya yuimakĩ shabakabi wamaikiki. Hakia tsuãra Deus ikũwãmatunã: “Deusrã, txaniki”, ikĩ hatu xinãmamiski, ha txanitxakakinã, Deus ibubis hawẽ bakekiri txanini ikũwãmarã.

Apocalipse 14:10

Deus ma hawẽ sinata pae hatuki tanani hawẽ hatu kupihairakĩ enxofre paxinipawẽ hatu nuitapawakĩ tsekerẽ imakĩ txiwẽ menukĩ hatu kupihairashanikiki, Deusũ nai tsumabu inũ txashuwã bake bebũshunã.

Apocalipse 19:20

ha parã hãtxa yuishunikatũ yuinaka mesẽ besuuri atimaska betsa betsapa tsuã atiruma wakĩ habu yuinaka mese atimapahairatũ kena habu hẽ iyamama inũ hawẽ dami kẽwãmisbu hatu parãmiswẽ taeshũ parã hãtxa yuishunika Shanẽ Ibu binuatũ tsumabũ atxikĩ yuinaka mese atimapahaira habe atxitã nĩkaibu hanu iã enxofre paxinipa menui here hi hi ikai anu ha dabe hatu putabu

Apocalipse 2:11

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, ana haria dabeki mawakĩ txi here meama ishãkanikiki’”, ea washu ẽ matu keneshunaii.

Apocalipse 2:2

Ea txibãkĩ ea dayashũkĩ bika tenei mã txĩtuãbumaki. Ha inũ, tsuabũra matu parãmisbũ yuikĩ: Jesusũ kuxipawẽ ẽ hawẽ yununikaki. Ea nĩkakãwẽ, ikaibu unãtã hatu danãkĩ

Apocalipse 21:27

Haskabiakẽ tsuabura atimapamisbu inũ, hawara Deusũ danãmis amisbu inũ, habu txani txakamisbu habu hari hikitaskama ishãkanikiki. Hakia hamẽ habu hikirã, tsuabũra kena txashuwã bakẽ hiwe kuĩa una merã Deusũ netãni habu besti Deusũ mae bena anu hikishãkanikiki.

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.

Apocalipse 9:17

Ẽ nama keskatã haska ẽ uĩshu inũ haska ẽ nĩkaxina matu yuinũ nĩkakãwẽ. Huni tibitũ hawẽ shutxi atximati mane taxipa txi keska inũ, nãketapa jacinto keska, inũ paxinipa enxofre keska saweabũ habũ cavalo bushka inu leão bushka keska hayabũ hawẽ hashpa anua txi inũ, kuĩ inũ, enxofre paxinipa kui tashnibainaya

Apocalipse 9:21

Ha dikabi detenamei heneabuma inũ, yushĩ txakabũ shuũ itiwẽ daunãnaĩ heneama inũ, huni inũ aĩbu betsa betsapabube txutanamei heneama inũ, yumetsui heneama txakabupakeshanaibu ẽ Joãonẽ haskashanaibu ẽ uĩshuki.

Juízes 7:3

Haskatirubukẽ ha hunibu eska hatu yuiwe: ‘Tsuabura mã dateairã, Gileade Mati anua kaĩbaini matũ hiwe anu burikãwẽ’, hatu wawe”, aka haska yunushu keska Gideãonẽ hatu yuikĩ unãti wa hanua 22.000 hunibu txĩtũbainaibũ 10.000 hunibu besti bashikui niti ikabũ