João 5:34 - Kaxinawá Bíblia (BR)

Hau tsuabũra mã ea kẽwãshanũbũ, iwanã, ẽ haskakiri xinãmaki. Hakia hanu kupiaitiã Deusũ hau matu kupiyamashanũ na kaka pepa ẽ matu yuiai nĩkatã mã benuama ishanaii.

Kashinawa : Diosun Jesúswen taexun yuba bena yiniki

Jau tsuabunda man ea kenwanxanunbun, iwanan, en jaskakidi shinanmaki. Jakia janu kupiaitian Diosun jau matu kupiyamaxanun na kaka pepa en matu yuiai ninkatan man benuama ixanaii.

João 5:34 Referencias Cruzadas

Lucas 13:34

—Jerusalém anu hiweabuũ, Jerusalém anu hiweabuũ, Deusũ hãtxa yuishunikabu inũ hawẽ hãtxa hatu bana beshũpakeaibu Deusũ hatu yunubiaya danãkĩ hatu tenãkĩ matũ shenipabũ ani keska wakĩ mixkiwẽ mã hatu tsaka tsaka amisbuki. Takarã hawẽ bake nushamis keska wakĩ eãri matu merabewakĩ matu mekẽnũ ika ẽ hubianikẽ haska xinãma ea danãkĩ mã ea hawa nĩkamaki.

Lucas 24:47

Haskawẽ taeshũ hawẽ kuxipawẽ hatu yusĩshãkanikiki, hau hatũ txakabu Deuskiri txakabumisbu hau henetã habũ xinã betsa waibu Deusũ buashũshanikiki. Nawa shukua tibi nĩkashanaibu yuini matũ Jerusalém anushũ taewakĩ

João 5:32

Hakia tsuabũra ekiri unãti watã ea kẽwaĩnã, hawẽ hãtxarã, pepaki, haska unaĩnã.

João 5:41

Hawara pepa ekiri yuiaibu besti ẽ nĩkakatsi ikamaki, yurabũ hãtxawenã.

João 8:54

—Emebi ẽ keaĩnã, pemaki. Hakia ẽ Epã ea kẽwãmiski. Unãmabia: “Nukũ Deuski”, ikĩ ẽ Epakiri mã yuimiski. “Eari ẽ Deus unãmaki”, iki ẽ txani txakakeanaii, matu keskairã. Hakia ẽ Epa Deus unãkĩ hawẽ yunua ẽ txibãmiski.

Romanos 10:1

Haska inũ, ẽ betsabu inũ ẽ puibuũ, enabu Israelbu hatukiri eã xinaĩ habuwẽ nuikĩ Deus ẽ hatu yukashũkubaĩmiski, hau Deusũ kupiti mese binukĩ Jesus Cristo txibãkĩ ikũwaĩbu hau Deusũ hatu mekeshanunã.

Romanos 10:21

Israelbukiri yuimakĩ: “Huĩti kuxitã hatũ besuwẽ dakeama ea nĩkaisbumawẽ nuikĩ ẽ hatu merabewapaibia ea nĩkabumaki”, aka keneniki.

Romanos 12:21

Ha inũ, hau txakabũ matu maemakĩ binuyamanũ haskawẽ taea matunã, pepawakĩ txakabu binumakubaĩkãwẽ.

Romanos 3:3

Ana habiaskari haratutũra ea yukakĩ yuikĩ: “Judeubu betsabũ Deusũ hãtxa ana txibãma danaĩbuwẽ taeshunã, hawara Deusũ nũ judeubu nuku yubani betsa washanimẽkaĩ, nuku danãkinã?” ea wabu:

1 Coríntios 9:22

Ha inũ, Jesus ikũwãkatsis ibiai ikũwaĩ kayabi iriama babubu merabewai hatu kuxipa wakatsi iki hatube hiweshũ yusĩa bika yuiama hatu keskari eari babu keska ẽ hiwemiski. Jesus ikũwaĩbu itxapabu Deusũ hatu duawakĩ eari hau ea duawashanũ, iwanã, hawẽ kakape yusĩkubauni tsuabura yura betsa betsapa ikũwãmanũ ika haska hiweabu keska hatube hiwekũkaũkĩ ẽ yusĩtãmiski, kaneamarã. Haska tibi kakape ẽ hatu yusĩmiswẽ taea habias nũ txibãmiswẽ taeshũ hatubetã manakuti pepa ẽ binũbariaii.

1 Timóteo 4:16

Mimebi pe mekekĩ uĩrawe, haska betsabu mĩ hatu yusĩakirirã. Dasibi xinã pe bestiwai txĩtũyamakũkaĩwẽ. Mĩ haskakũkainaya mia inũ mĩ hãtxa habũ nĩkaibu hatube Deusũ pewẽ mia manakushanikiki, hiwe kayabimakinã.

1 João 5:9

Hawara kaka yurabũ beshũ yuiaiburã: “Txanimaki”, ishũ nũ hatu nĩkamiski. Hamẽ Deusũ ibubis hawẽ bake kayabikiri nukuki txanikĩ ha kaka tashnimanirã, yurabũ kaka yuimisbu keskama ha binua mestenepahairaki.